कोपरगाव प्रतिनिधी
कोपरगाव नगरपरिषदेने शहरातील विकासकामांना प्राधान्य देत नागरिकांच्या गरजा पूर्ण करण्याचा विडा उचलला आहे.आ. विवेक कोल्हे यांच्या मार्गदर्शनाखाली सादर केलेल्या विकासाचा विश्वासनाम्यानुसार शहरातील प्रत्येक प्रभागात नागरिकांना आवश्यक मूलभूत सुविधा आणि प्रकाशव्यवस्था उपलब्ध करून देऊन त्यांच्या अडीअडचणी दूर करण्यासाठी नगरपालिका प्रशासन प्रयत्नशील आहे. नागरिकांच्या गरजा लक्षात घेऊन विकासकामांना गती देण्यावर भर देण्यात येत असल्याचे कोपरगाव नगरपरिषदेचे नगराध्यक्ष पराग संधान यांनी सांगितले.
कोपरगाव नगरपरिषदेच्या माध्यमातून रविवार, दिनांक १८ ऑक्टोबर रोजी प्रभाग क्रमांक १ मधील ब्रीजलालनगर, ओमनगर आणि गवारे नगर परिसरात विविध ठिकाणी हायमॅक्स दिवे कार्यान्वित करण्यात आले.या दिव्यांचे लोकार्पण नगराध्यक्ष पराग संधान यांच्या हस्ते करण्यात आले. यावेळी मनोगत व्यक्त करताना ते बोलत होते. परिसरातील नागरिकांना आवश्यक प्रकाशव्यवस्था उपलब्ध करून देण्याच्या दृष्टीने हे महत्त्वाचे पाऊल असून, दिलेला शब्द कृतीतून पूर्णत्वास नेण्याचा प्रयत्न या माध्यमातून करण्यात आला आहे.रात्री उशिरा तसेच अपरात्री ये-जा करणाऱ्या नागरिकांना सुरक्षित वातावरण मिळावे, महिला भगिनींच्या सुरक्षिततेला प्राधान्य मिळावे आणि परिसरातील रस्ते प्रकाशमान व्हावेत, या उद्देशाने हायमॅक्स दिवे कार्यान्वित करण्यात आले आहेत. या सुविधेमुळे परिसरातील नागरिकांची गैरसोय दूर होण्यास मदत होणार असून, रात्रीच्या वेळी ये-जा करणे अधिक सोयीचे होणार आहे.आ. विवेक कोल्हे यांच्या मार्गदर्शनाखाली कोपरगाव शहरातील विकासकामांना प्राधान्य देण्यात येत आहे. शहरातील प्रत्येक प्रभागातील नागरिकांना आवश्यक मूलभूत सुविधा उपलब्ध करून देणे, त्यांच्या अडीअडचणी समजून घेऊन त्या सोडविणे आणि विकासकामांना गती देणे, यावर नगरपरिषद प्रशासनाचा भर आहे. याच अनुषंगाने शहरातील उर्वरित हायमॅक्स दिवेही दीपावलीच्या सणापूर्वी कार्यान्वित करण्यात येणार असल्याचे नगराध्यक्ष पराग संधान यांनी सांगितले.
कोपरगाव शहरातील प्रभाग क्रमांक १ मधील ब्रीजलालनगर, ओमनगर आणि गवारे नगर परिसरात हायमॅक्स दिवे कार्यान्वित झाल्यामुळे नागरिकांनी समाधान व्यक्त केले. परिसरात प्रकाशव्यवस्था उपलब्ध करून दिल्याबद्दल नागरिकांनी आ. विवेक कोल्हे, नगराध्यक्ष पराग संधान आणि सर्व नगरसेवकांचे आभार मानले.
या प्रसंगी वैभव आढाव, वैभव गिरमे, मनोज शेठ अग्रवाल, दीपक जपे, राहुल खरात, राजेंद्र गायकवाड, निसार शेख, सिद्धेश कपिले, संजय खरोटे, भावसार साहेब, सौ. दीपाताई वैभव गिरमे, सुभान सर, देवा बागुल, सौरभ होते, श्रीकांत पायमोडे, ज्ञानेश्वर शिणगर यांच्यासह स्थानिक नागरिक उपस्थित होते.
