कोपरगाव प्रतिनिधी
कोपरगाव शहरात दळणवळणासाठी रस्ते, पिण्याच्या पाण्याची समस्या संपुष्टात आल्यामुळे निश्चितपणे व्यापारवृद्धी झाली असून शेजारच्या तालुक्यातील प्रसिद्ध व्यापारी आपल्या कोपरगाव शहरात येवून व्यवसायासाठी मोठी गुंतवणूक करीत आहेत हि अतिशय समाधानाची बाब आहे. कोपरगाव शहरात कपडे, सोने-चांदी, इलेक्ट्रॉनिक वस्तू, फर्निचरची आणि वाहनांची शोरूम यापूर्वीच सुरु झाली असून कृष्णा कलेक्शनचे दालन देखील आपल्या कोपरगाव शहरात सुरु होत आहे हे कोपरगावच्या वाढत्या आर्थिक क्षमतेची आणि प्रगतीची साक्ष असल्याचे प्रतिपादन आमदार आशुतोष काळे यांनी केले.
कोपरगाव शहारात श्रीरामपूर येथील सुप्रसिद्ध कृष्णा कलेक्शनच्या सुरु करण्यात आलेल्या नूतन दालनाचे उदघाट्न राज्याचे जलसंपदामंत्री तथा अहिल्यानगर जिल्ह्याचे पालकमंत्री ना.श्री.राधाकृष्ण विखे पा. यांच्या हस्ते व आमदार आशुतोष काळे यांच्या प्रमुख उपस्थितीत मोठ्या उत्साहात संपन्न झाले याप्रसंगी ते बोलत होते. ते पुढे म्हणाले की, कोपरगाव मतदार संघाच्या विकासासाठी स्व. अजितदादा पवार, मा.मुख्यमंत्री देवेंद्रजी फडणवीस, उपमुख्यमंत्री श्रीम. सुनेत्राताई पवार, मा.उपमुख्यमंत्री एकनाथजी शिंदे यांनी मोठ्या प्रमाणावर निधी देऊन सहकार्य केले आहे. तसेच जिल्ह्याचे पालकमंत्री ना.राधाकृष्णजी विखे पाटील साहेब यांनी देखील जिल्हा नियोजनाच्या माध्यमातून कोपरगाव नगरपरिषदेला निधी उपलब्ध करून देत शहर विकासाला हातभार लावला आहे व यापुढेही कोपरगावच्या विकासासाठी त्यांचे सहकार्य असेच मिळत राहील याचा मला विश्वास असल्याचे त्यांनी सांगितले.
कोपरगावकरांनी आपल्या शहरातील व्यापाऱ्यांच्या पाठीशी खंबीरपणे उभे राहावे, स्थानिक बाजारपेठेतूनच खरेदी करावी आणि आपल्या पैशातून आपल्या शहराच्या अर्थव्यवस्थेला बळ द्यावे. स्थानिक व्यापाराची भरभराट म्हणजे रोजगाराच्या नव्या संधी, व्यापाऱ्यांची आर्थिक समृद्धी आणि कोपरगावच्या सर्वांगीण विकासाला मिळणारी नवी दिशा आहे. त्यामुळे येणाऱ्या दिवाळी सणाची खरेदी स्थानिक व्यापाऱ्यांकडून करा त्यामाध्यमातून कोपरगावात आर्थिक समृद्धी नांदणार असल्याचे आमदार आशुतोष काळे यांनी सांगितले.
यावेळी जिल्हा परिषदेच्या माजी अध्यक्षा सौ.शालिनीताई विखे पा., विधानपरिषद सदस्य विवेक कोल्हे, गोदावरी खोरे दूध संघांचे चेअरमन राजेश परजणे, तहसीलदार महेश सावंत, कर्मवीर शंकरराव काळे कारखान्याचे उपाध्यक्ष दिनार कुदळे, समता उद्योग समूहाचे अध्यक्ष काकासाहेब कोयटे, माजी नगराध्यक्ष विजयराव वहाडणे, शिर्डीचे उपनगराध्यक्ष अभय शेळके, बाबासाहेब डमाळे, संजय भन्साळी, गोरक्षनाथ धोंडे, कृष्णा परजणे, श्रीनिवास बिहाणी, राहुल कोताडे, सुनिल गलांडे, पुरुषोत्तम झंवर, जयेश डागा, कृष्णा झंवर, करण झंवर, डॉ.शैलीताई झंवर, सौ.संस्कृती झंवर, राघवजी डागा, विनीत जाजू, झंवर कुटुंबीय, आदींसह विविध क्षेत्रातील मान्यवर व कोपरगाव शहर व ग्रामीण भागातील नागरिक मोठ्या संख्येने उपस्थित होते
