कोपरगाव प्रतिनिधी
पावसाअभावी पिके जळून खाक होत असल्याने आर्थिक संकटात सापडलेल्या शेतकऱ्यांना धीर देण्यासाठी जलसंपदामंत्री तथा अहिल्यानगर जिल्ह्याचे पालकमंत्री ना.राधाकृष्ण विखे पाटील यांनी आमदार आशुतोष काळे यांच्या समवेत कोपरगाव मतदारसंघातील चांदेकसारे येथे थेट शेताच्या बांधावर जाऊन नुकसानीची पाहणी केली. यावेळी घाबरू नका, महायुती शासन आणि आम्ही तुमच्या पाठीशी खंबीरपणे आहोत अशा शब्दांत पालकमंत्र्यांनी शेतकऱ्यांना धीर दिला.कोपरगाव तालुक्यात पावसाने ओढ दिल्यामुळे शेतीपिकांचे मोठ्या प्रमाणात नुकसान झाले आहे. शेतकऱ्यांवर निर्माण झालेल्या या संकटाची दखल घेत आमदार आशुतोष काळे यांनी शासनदरबारी सातत्याने पाठपुरावा करून कोपरगाव मतदार संघ दुष्काळग्रस्त जाहीर करण्यासाठी प्रयत्न केले. त्यांच्या या पाठपुराव्याला यश मिळून कोपरगाव मतदार संघ दुष्काळग्रस्त जाहीर करण्यात आला आहे.त्या पार्श्वभूमीवर कोपरगाव मतदार संघातील दुष्काळ परिस्थितीची दाहकता जलसंपदामंत्री तथा अहिल्यानगर जिल्ह्याचे पालकमंत्री ना.राधाकृष्ण विखे पा.यांच्या निदर्शनास आणून देण्यासाठी आमदार आशुतोष काळे यांनी स्वत: पालकमंत्र्यांच्या वाहनाचे सारथ्य करत त्यांना थेट मतदार संघातील चांदेकसारे येथे शेतकऱ्यांच्या बांधावर घेवून गेले व परिस्थिती निदर्शनास आणून दिली.पावसाअभावी करपलेली पिके, शेतकऱ्यांचे झालेले नुकसान आणि शेतकऱ्यांच्या अडचणी पालकमंत्र्यांनी प्रत्यक्ष जाणून घेतल्या. यावेळी शेतकऱ्यांनी आपल्या समस्या आणि नुकसानीची माहिती पालकमंत्र्यांना दिली.
शेतकऱ्यांशी संवाद साधताना पालकमंत्री ना.राधाकृष्ण विखे पाटील यांनी घाबरू नका, महायुती शासन आणि आम्ही तुमच्या पाठीशी आहोत. या संकटाच्या काळात शेतकऱ्यांना आवश्यक ती मदत मिळवून देण्यासाठी शासन सकारात्मकपणे प्रयत्न करेल असा विश्वास दिला.आमदार आशुतोष काळे म्हणाले, शेतकऱ्यांनी या कठीण परिस्थितीत घाबरून जाऊ नये; शासनाचा प्रतिनिधी म्हणून मी तुमच्या प्रत्येक अडचणीत ठामपणे तुमच्या पाठीशी उभा आहे. कोपरगाव तालुका दुष्काळग्रस्त जाहीर झाल्यानंतर शासनाच्या मदतीचा लाभ प्रत्येक शेतकऱ्याला मिळवून देण्यासाठी सातत्याने पाठपुरावा करणार असल्याचे सांगितले.पालकमंत्र्यांनी दौऱ्यात केला बदल,आ. काळेंनी केले पालकमंत्र्यांच्या वाहनाचे सारथ्य पालकमंत्री ना. राधाकृष्ण विखे पाटील यांचा शिर्डी विश्रामगृह ते कोपरगाव असा नियोजित दौरा होता. मात्र, कोपरगाव मतदार संघातील दुष्काळी परिस्थितीचे गांभीर्य लक्षात घेऊन आमदार आशुतोष काळे यांनी शिर्डी विश्रामगृह गाठले. शेतकऱ्यांची परिस्थिती प्रत्यक्ष पाहणे गरजेचे आहे. आपण अधिकाऱ्यांसमवेत शेतकऱ्यांच्या बांधावर गेल्यास नुकसानीची वस्तुस्थिती प्रशासनाच्या निदर्शनास येईल आणि पंचनामे व पुढील मदतीची कार्यवाही अधिक प्रभावीपणे करता येईल असा आग्रह धरला. शेतकऱ्यांप्रती आमदार आशुतोष काळे यांची तळमळ आणि परिस्थितीचे गांभीर्य लक्षात घेऊन पालकमंत्री ना. विखे पाटील यांनी तत्काळ त्यांच्या आग्रहाला सहमती दिली. यावेळी आमदार आशुतोष काळे यांनी स्वतः पालकमंत्री ना.राधाकृष्ण विखे पाटील यांची गाडी चालवत त्यांना थेट दुष्काळग्रस्त शेतकऱ्यांच्या बांधावर घेवून जाऊन नुकसानीची पाहणी केली.याप्रसंगी प्रांताधिकारी धनंजय बांगर,तालुका कृषी अधिकारी मनोज सोनवणे,कर्मवीर शंकरराव काळे सहकारी साखर कारखान्याचे संचालक शंकरराव चव्हाण, वसंतराव आभाळे, गंगाधर औताडे, रोहिदास होन, कृषी उत्पन्न बाजार समितीचे मा.संचालक संजय शिंदे,पद्मविभूषण डॉ.शरदचंद्रजी पवार पतसंस्थेचे चेअरमन देवेन रोहमारे,रांजणगाव देशमुखचे सरपंच गजानन मते, बहादरपूरचे सरपंच गोपीनाथ रहाणे,अंजनापूरचे माजी सरपंच ज्ञानेश्वर गव्हाणे, चांदेकसारे सरपंच किरण होन, संपतराव खालकर, नारायण होन, वसीम शेख, दगुराव होन, राजेंद्र होन, मधुकर खरात, धीरज बोरावके, अर्जुन होन, संतोष वर्पे, भास्कर गव्हाणे, योगेश औताडे, आप्पासाहेब होन, बाबासाहेब औताडे, कर्णा चव्हाण, पुंजाजी होन आदींसह महसूल व कृषी विभागाचे अधिकारी उपस्थित होते.
