जेऊर कुंभारी वार्ताहर
जिद्द, परिश्रम आणि गुणवत्तेच्या बळावर ग्रामीण भागातील विद्यार्थीदेखील उच्च शिक्षणाच्या क्षेत्रात उल्लेखनीय यश संपादन करू शकतात, याचे प्रेरणादायी उदाहरण जेऊर कुंभारी येथील कु. सिद्धी धनंजय रोहोम यांनी घालून दिले आहे. आदर्श शेतकरी धनंजय रोहोम पाटील यांच्या कन्या कु. सिद्धी यांनी एमबीबीएस पदवी यशस्वीरीत्या प्राप्त करून ‘डॉक्टर’ होण्याचा मान मिळवला आहे.
डॉ. सिद्धी यांचे प्राथमिक शिक्षण आत्मा मलिक इंग्लिश मिडीयम गुरुकुल येथे झाले असून, शालेय जीवनापासूनच त्यांची अभ्यासातील सातत्य, मेहनत आणि गुणवत्तेची ओढ यामुळे त्यांनी यशाची ही उंची गाठली आहे.
शेतकरी कुटुंबातून येत असताना अनेक आव्हानांवर मात करून सिद्धी यांनी वैद्यकीय शिक्षण पूर्ण केले. त्यांच्या या यशामुळे कुटुंबासह संपूर्ण गावाचा गौरव वाढला असून ग्रामस्थांमध्ये आनंदाचे वातावरण निर्माण झाले आहे.
डॉ. सिद्धी यांच्या या उल्लेखनीय यशाबद्दल जेष्ठ नागरिक किसन सोळके,पोलीस पाटील बाळासाहेब गायकवाड, भाजपा युवा मोर्चा सचिव किशोर गायकवाड,
उद्योजक संदीप वक्ते, ग्रामपंचायत सदस्य प्रदीप गायकवाड,
समाजीक कार्यकर्ते कैलास चव्हाण, धनंजय रोहोम,रामभाऊ वक्ते,प्रा.मधुकर वक्ते यांच्या हस्ते पुष्पगुच्छ देऊन त्यांचा सत्कार करण्यात आला. यावेळी उपस्थित मान्यवरांनी त्यांचे अभिनंदन करत पुढील वाटचालीस शुभेच्छा दिल्या.
ग्रामीण भागातील विद्यार्थ्यांसाठी त्यांचे यश प्रेरणादायी ठरणारे असून मेहनत, चिकाटी आणि ध्येयाप्रती असलेली निष्ठा यामुळे कोणतेही उद्दिष्ट साध्य करता येते, असा संदेश त्यांच्या यशातून मिळत आहे.
वैद्यकीय क्षेत्रात समाजसेवेचे व्रत जोपासत रुग्णांची सेवा करण्याचे ध्येय डोळ्यांसमोर ठेवून डॉ. सिद्धी पुढील वाटचाल करतील, असा विश्वास व्यक्त करण्यात आला.
डॉ. सिद्धी धनंजय रोहोम यांना एमबीबीएस पदवी प्राप्त झाल्याबद्दल सर्व स्तरांतून अभिनंदनाचा वर्षाव होत असून त्यांच्या उज्ज्वल भविष्यासाठी हार्दिक शुभेच्छा व्यक्त करण्यात येत आहेत.
