जेऊर कुंभारी वार्ताहर
जनसेवा प्रतिष्ठान, अहिल्यानगर आयोजित राज्यस्तरीय डॉ. सी. व्ही. रमण बालवैज्ञानिक परीक्षा व कार्यशाळा २०२६ मध्ये जेऊर कुंभारी येथील रहिवासी तथा आत्मा मालिक माध्यमिक गुरुकुल, कोकमठाण येथील इयत्ता आठवीचा विद्यार्थी अनंत नामदेव वक्ते याने उल्लेखनीय यश संपादन करत जिल्हा गुणवत्ता यादीत तिसरा क्रमांक पटकावला आहे.
या घवघवीत यशामुळे त्याची विज्ञान कार्यशाळा तसेच इस्रो सहलीसाठी निवड झाली असून त्याच्यावर सर्व स्तरांतून अभिनंदनाचा वर्षाव होत आहे. विज्ञान विषयाविषयीची आवड, सातत्यपूर्ण अभ्यास आणि जिज्ञासू वृत्ती यांच्या बळावर अनंतने हे यश संपादन केले आहे.
अनंतच्या या उल्लेखनीय यशाबद्दल
जेष्ठ नागरिक किसन सोळके, पाटीलबा वक्ते ,पोलीस पाटील बाळासाहेब गायकवाड,
भाजपा युवा मोर्चा सचिव किशोर गायकवाड, उद्योजक संदीप वक्ते, ग्रामपंचायत सदस्य प्रदीप गायकवाड,समाजीक कार्यकर्ते कैलास चव्हाण, किरण पाटीलबा वक्ते,प्रा.मधुकर वक्ते यांनी श्रीफळ देऊन त्यांचा सत्कार केला व पुढील शैक्षणिक वाटचालीसाठी शुभेच्छा दिल्या. यावेळी उपस्थित मान्यवरांनी त्याच्या यशाचे कौतुक करत भविष्यात विज्ञान क्षेत्रात आणखी मोठी भरारी घेण्याचा विश्वास व्यक्त केला.
ग्रामीण भागातील विद्यार्थीदेखील योग्य मार्गदर्शन, चिकाटी आणि अथक परिश्रमाच्या जोरावर राज्यस्तरावर उल्लेखनीय कामगिरी करू शकतात, हे अनंतच्या यशातून अधोरेखित झाले आहे. त्याच्या या यशामुळे पालक, शिक्षक तसेच जेऊर कुंभारी परिसरातील नागरिकांमध्ये आनंदाचे वातावरण निर्माण झाले असून त्याच्या उज्ज्वल भविष्यासाठी शुभेच्छांचा वर्षाव होत आहे.
राज्यस्तरीय स्पर्धेत मिळविलेल्या या यशाबद्दल अनंत नामदेव वक्ते याचे सर्व स्तरांतून कौतुक होत असून आगामी काळात तो विज्ञान क्षेत्रात नवे यश संपादन करून गाव, तालुका आणि जिल्ह्याचे नाव उज्ज्वल करेल, असा विश्वास व्यक्त करण्यात येत आहे.
