कोपरगाव प्रतिनिधी
कोपरगाव शहरात दरवर्षी प्रमाणे याहीवर्षी ‘बकरी ईद’चा सण मोठ्या उत्साहात साजरा करण्यात आला. सर्व मुस्लीम बांधवांनी ईदगाह मैदान व अक्सा मस्जिद येथे सामुदायिक नमाज पठण केले. याप्रसंगी कोपरगाव राष्ट्रवादी काँग्रेस पक्षाच्या नगरसेवक आणि पदाधिकाऱ्यांनी आमदार आशुतोष काळे यांच्या वतीने सर्व मुस्लीम बांधवांना ‘बकरी ईद’ च्या शुभेच्छा दिल्या.
कोपरगाव शहरात बकरी ईदचा सण अत्यंत उत्साहात आणि आनंदी वातावरणात साजरा करण्यात आला. ईदनिमित्त नमाज पठण करण्यासाठी ईदगाह मैदानावर मुस्लिम बांधवांचा जनसागर उसळला होता. नमाज संपन्न झाल्यानंतर राष्ट्रवादी काँग्रेस पक्षाच्या प्रमुख पदाधिकाऱ्यांनी व कार्यकर्त्यांनी या ठिकाणी उपस्थित राहून सर्व मुस्लिम बांधवांची गळाभेट घेत त्यांना आमदार आशुतोष काळे यांच्या वतीने ईदच्या शुभेच्छा दिल्या. सामाजिक बांधिलकी जपतांना राष्ट्रवादीच्या पदाधिकाऱ्यांनी या सणाचा आनंद मुस्लिम बांधवांसोबत द्विगुणित केल्याने कोपरगावात बंधुता, शांतता व एकोप्याचे दर्शन घडले.
याप्रसंगी नगरसेवक हाजी मेहमूद सय्यद, इम्तियाज अत्तार, माजी नगरसेवक अजीज शेख, फकीरमामु कुरेशी, नवाज कुरेशी, जावेद शेख, जुनेद शेख, हारुण शेख, मोहसीन सय्यद, नगरसेवक शैलेश साबळे, सोमनाथ आढाव, बाळासाहेब रुईकर, माजी नगरसेवक रमेश गवळी, दिनकर खरे, सचिन परदेशी, चंद्रकांत धोत्रे, सुनिल फंड, गणेश बोरुडे, संतोष दळवी आदींसह मुस्लिम बांधव मोठ्या संख्येने उपस्थित होते.
