कोपरगाव प्रतिनिधी
भारतीय जनता पार्टीचे युवा आमदार म्हणून नुकतीच ज्यांच्यावर विधान परिषद सदस्य पदाची जबाबदारी मिळाली आहे असे अभ्यासू युवा नेते विवेकभैय्या कोल्हे यांचे जंगी स्वागत तमाम कोपरगावकर आणि कार्यकर्त्यांच्या वतीने होणार आहे.
ऐतिहासिक ठरणारी ही स्वागत समारंभाची मिरवणू दोन मे रोजी श्री साईबाबा कॉर्नर येथून सुरू होणार असून शहराच्या मुख्य मार्गावर ही मिरवणूक जाणार आहे. लोकशाहीर आण्णाभाऊ साठे त्यानंतर भारतरत्न डॉ. बाबासाहेब आंबेडकर व माजी मंत्री स्वर्गीय शंकराव कोल्हे यांना अभिवादन करून शेवटी श्री छत्रपती शिवाजी महाराज स्मारक येथे या मिरवणुकीची सांगता होणार आहे. अतिशय जोश आणि उत्साह सर्वच चहात्यामध्ये निर्माण झाला असून आपल्या नेतृत्वाच्या जंगी स्वागतासाठी हजारोंच्या संख्येने कार्यकर्ते आतुर झाले आहे.
अनेक पातळ्यांवर बदलत्या राजकीय समीकरणांचे गणित पाहता केंद्रीय मंत्री अमित शाह,मुख्यमंत्री देवेंद्र फडणवीस व भारतीय जनता पार्टीच्या सर्व नेत्यांनी दाखवलेला कोल्हे यांच्यावरील विश्वास हा राज्यभर चर्चेचा विषय ठरतो आहे. गेल्या अनेक दिवसांपासून सुरू असलेल्या या विधान परिषद निवडणुकीच्या प्रक्रियेत हजारोंच्या संख्येने कार्यकर्ते अगदी मुंबईपर्यंत विवेकभैय्या कोल्हे यांच्या भेटीसाठी गेले होते त्याहून सबंध राज्यामध्ये या उभरत्या नेतृत्वाची लोकप्रियता दिवसेंदिवस नागरिकांमध्ये चर्चेचा विषय ठरते आहे.
