जेऊर कुंभारी वार्ताहर
कोपरगाव तालुक्याचे भाग्यविधाते, माजी सहकार मंत्री स्व. शंकरराव कोल्हे साहेब यांच्या जयंतीनिमित्त जिल्हा परिषद शाळा गिरमेवस्ती शाळेत विद्यार्थ्यांना ग्रंथालयीन पुस्तके व पेन वाटप करण्यात आले.
कार्यक्रमाच्या सुरुवातीला मान्यवरांच्या हस्ते शंकरराव कोल्हे यांच्या प्रतिमेला पुष्पहार अर्पण करून अभिवादन करण्यात आले. त्यानंतर विविध विषयांवरील शैक्षणिक, कथा, विज्ञान आणि सामान्य ज्ञानाची पुस्तके विद्यार्थ्यांना वाचनासाठी उपलब्ध करून देण्यात आली. याप्रसंगी संजीवनी सहकारी साखर कारखान्याचे संचालक बाळासाहेब वक्ते, न्यू इंडिया इन्शुरन्स कंपनीचे मॅनेजर भिमराज वक्ते, माजी पंचायत समिती सभापती शिवाजीराव वक्ते, माजी जिल्हा परिषद सदस्य दीपकराव गायकवाड,उपसरपंच जालिंदर चव्हाण. पाटीलबा वक्ते,कोंडीराम वक्ते, रामभाऊ वक्ते, कैलास वक्ते , गिरधर गुरसळ , नारायण गुरसळ,करणा वक्ते, शिवाजी वक्ते ,संजय वक्ते, बारकू मेहेत्रे ,शंकर वक्ते, पोपट वक्ते, प्रा.मधुकर वक्ते , मधुकर चव्हाण, गणेश अंबिलवादे, विजू वक्ते, देवराम जाधव,
मुख्याध्यापिका वंदना पर्वत, शिक्षक अनुज ढुमणे, शिक्षिका ज्योती गोर्डे, विद्यार्थी, ग्रामस्थ उपस्थित होते. स्व. शंकरराव कोल्हे साहेब यांनी संजीवनी सहकारी साखर कारखान्याची स्थापना करून शेतकऱ्यांसाठी अखंड कार्य सुरू ठेवले, असे मनोगत बाळासाहेब वक्ते यांनी व्यक्त केले. संजीवनी शैक्षणिक संस्थेद्वारे कोपरगाव तालुक्यातील सामान्य माणसाच्या पाल्यासाठी विविध अभ्यासक्रम उपलब्ध करून दिले,त्यांची जयंती प्रेरणा दिन म्हणून साजरी करण्यात येते,असे मनोगत भीमराज वक्ते यांनी व्यक्त केले. स्वर्गीय शंकराव कोल्हे यांनी आपल्या जीवन प्रवासातून सामान्य माणसासाठी व गोरगरिबांसाठी अविरत कार्य केले, या कार्याची प्रेरणा सर्वांनी घेतली पाहिजे असे मनोगत माजी पंचायत समिती सभापती शिवाजीराव वक्ते यांनी व्यक्त केले.
कार्यक्रमाचे सुत्रसंचालन अनुज ढुमणे सर यांनी केले.व आभार उपसरपंच जालिंदर चव्हाण यांनी मानले.
