जेऊर कुंभारी वार्ताहर
दिनांक ५ मार्च २०२६ रोजी जोगेश्वरी इंटरनॅशनल स्कूल मध्ये जागतिक विज्ञान दिनाचे औचित्य साधून विज्ञान प्रदर्शन उत्साहात पार पडले.जागतिक विज्ञान दिवस हा सर सी. व्ही. रमन यांच्या रमण इफेक्ट या शोधामुळे साजरा केला जातो. सर सी. व्ही. रमन यांनी २८ फेब्रुवारी १९२८ रोजी रमन इफेक्ट प्रदर्शित केला होता. त्यांच्या या कार्याचा गौरव म्हणून २८ फेब्रुवारी हा दिवस विज्ञान दिवस म्हणून साजरा केला जातो.
विज्ञान म्हणजे वैज्ञानिक पद्धतीमध्ये निरीक्षण प्रश्न आणि निष्कर्ष काढणे या पायऱ्या असतात.
या कार्यक्रमाच्या अध्यक्षस्थानी संस्थेचे संचालक सागर होन होते तर प्रमुख पाहुणे म्हणून सचिव सुनील होन होते. या कार्यक्रमाची सुरुवात भारतीय भौतिक शास्त्राचे तज्ञ सर सी. व्ही. रमण तसेच भारताचे माजी राष्ट्रपती भारतरत्न डॉ. ए.पी.जे. अब्दुल कलाम यांच्या प्रतिमेचे पूजन करून करण्यात आले. इ. ५ वी ते इ. ८ वी मधील विद्यार्थिनींनी विज्ञान विषयाबद्दल ऍक्टिव्हिटी सादर करून उपस्थितांचे मनमोहून टाकले. तसेच या विज्ञान प्रदर्शनात इ. ४थी ते इ. ८वी मधील विद्यार्थ्यांनी सहभाग घेऊन विविध प्रकारचे विज्ञानाचे मॉडेल,चार्ट प्रदर्शित केले आणि विज्ञानाचे विविध प्रयोग देखील सादर केले. या विज्ञान प्रदर्शनातून विज्ञानाचे महत्त्व समोर आले. विज्ञान शिकताना आणि शिकवताना ते अगोदर जगायला शिकले पाहिजे असे विज्ञान शिक्षिका शितल होन यांनी आपल्या भाषणातून मुलांना सांगितले.
या कार्यक्रमाचे नियोजन प्राचार्या ज्योती खरात यांच्या मार्गदर्शनाखाली सायली बोरावके आणि शितल होन यांनी केले . तसेच या कार्यक्रमाचे सूत्रसंचालन सायली बोरावके यांनी केले तर आभार मिनल बोरावके यांनी व्यक्त केले.
या कार्यक्रमासाठी संस्थेचे सचिव सुनील होन, संचालक सागर होन, प्राचार्या ज्योती खरात, अश्विनी होन, पल्लवी होन, स्वाती वक्ते, स्नेहल होन, मीनल बोरावके, शितल होन, सायली बोरावके, कविता लिंभुरे, रूपाली होन, रेश्मा होन, प्रीती दहे, इ. शिक्षक तसेच मुक्ता तुवर, रेणुका साळुंके, शिवाजी जाधव, सादिक सय्यद, सोमनाथ पवार, अमोल कदम, इ. शिक्षकेत्तर कर्मचारी उपस्थित होते.
