कोपरगाव प्रतिनिधी
शहरामध्ये शहरवासियांना मिळणाऱ्या सुख सुविधा या शहरापुरत्या मर्यादीत राहिल्या नसुन, शहराप्रमाणेच सर्व सुख सुविधा ह्या ग्रामीण भागातील सर्वसामान्य नागरिकांनाही मिळाव्या यासाठी ग्रामीण भागातील नवउद्योजक शहरात नोकरीच्या मागे न धावता आपापल्या गावी छोटे मोठे व्यवसाय उभे करून नागरिकांसाठी सेवा देण्याचे कार्य हाती घेत आहे. असेच एक तालुक्यातील संवत्सर बिरोबाचौक येथील श्री. नवनाथ वाडेकर यांनी नविनच साई गायत्री कोल्ड्रिंक्स आणि टायर वर्क्स शॉप सुरु केले असून सदर वास्तुचे उद्घाटन बाजाथान येथील महंत पं. पु. हरीशरनगिरीजी महाराज यांच्या हस्ते करण्यात आले.श्री.नवनाथभाऊ वाडेकर यांनी संवत्सर बिरोबाचौक येथे सुरु केलेल्या व्यवसायास संवत्सर ग्रामपंचायत मा. सरपंच श्री.वाल्मिकराव निकम साहेब, भारतीय जनता पार्टी दिव्यांग सेल कोपरगाव तालुकाध्यक्ष श्री. मुकुंद मामा काळे, श्री. वसंतआप्पा शिंदे ,सौ. छायाताई मुकुंदमामा काळे व मित्रपरिवार यांनी सदिच्छा भेट देऊन श्री. नवनाथभाऊ वाडेकर यांचा शाल, श्रीफळ व पुष्षगुच्छा देऊन यथोचित सत्कार केला व सुरु केलेल्या व्यवसायत आपली उत्तरोत्तर प्रगती व्हावी अशी अपेक्षा मुकुंदमामा काळे यांनी व्यक्त करून शुभेच्छा दिल्या.यावेळी संवत्सर ग्रामपंचायत मा. सरपंच श्री.वाल्मिकराव निकम साहेब, भारतीय जनता पार्टी दिव्यांग सेल कोपरगाव तालुकाध्यक्ष श्री. मुकुंद मामा काळे, श्री. वसंतआप्पा शिंदे व सौ.छायाताई मुकुंदमामा काळे, बाबासाहेब कासार, रावसाहेब वाकचौरे, रमेश कटारे, महेशआप्पा शिंदे, अनिल पुंगळे, प्रसाद शिंदे, रावसाहेब कासार, अशोकराव शिंदे, प्रशांत कासार, किरण सोनवणे आदी महिला, ग्रामस्थ उपस्थित होते.
