कोपरगाव प्रतिनिधी
कोपरगाव नगरपरिषदेच्या सत्ताधारी कोल्हे गटाच्या बांधकाम सभापती निलोफर पठाण यांच्या पतीला नागरिकांकडून मारहाण झाल्याची धक्कादायक माहिती समोर आली असून याबाबत कोपरगाव शहरात चर्चेला उधाण आले आहे.
कोपरगाव नगरपरिषदेच्या सत्ताधारी कोल्हे गटाच्या नगरसेविका निलोफर जुबेर पठाण या बांधकाम समितीच्या सभापती आहेत. त्यांचे पती फिरोज पठाण यांची बैलबाजार रोड येथे काही व्यक्तींशी बाचाबाची झाले. झालेल्या बाचाबाचीतून हे प्रकरण हाणामारीपर्यंत जाऊन पोहोचले यामध्ये फिरोज पठाण यांना नागरीकांनी मारहाण केली असल्याची माहिती समजते.
या हाणामारीचे कारण केवळ पन्नास रुपये असल्याचे स्थानिक नागरीकांनी सांगितले असले तरी सभापती निलोफर पठाण यांच्या पतीचे वागणे बोलणे अतिशय उद्धट असल्यामुळे हा प्रकार घडला असल्याचे नागरीकांमधून दबक्या आवाजात बोलले जात आहे.याबाबत कोपरगाव शहर पोलीस स्टेशनला कोणत्याही प्रकारची फिर्याद दाखल करण्यात आली नसली तरी झालेल्या प्रकाराबद्दल शहरातील नागरिकांमध्ये मात्र उलटसुलट चर्चेला उधाण आले आहे.
