जेऊर कुंभारी वार्ताहर
दि.२६ जानेवारी रोजी कोपरगाव तालुक्यातील डाउच खुर्द येथील जोगेश्वरी इंटरनॅशनल स्कूल मध्ये ७७ वा प्रजासत्ताक दिन उत्साहात साजरा करण्यात आला.यावेळी जिजाई बहुउद्देशीय शैक्षणिक संस्थेचे अध्यक्ष भास्करराव होन हे या कार्यक्रमाच्या अध्यक्षस्थानी होते. तर संस्थेचे सचिव सुनिल होन व संचालक सागर होन हे प्रमुख पाहुणे म्हणून उपस्थित होते. संस्थेचे अध्यक्ष भास्करराव होन यांच्या हस्ते ध्वजारोहण पार पडले यावेळी सर्व विद्यार्थ्यांनी भारतीय संविधानाचे प्रास्ताविक म्हणून ध्वजाला सलामी दिली. संस्थेचे अध्यक्ष भास्करराव होन, सचिव सुनिल होन, संचालक सागर होन, प्राचार्या ज्योती खरात , यांच्या हस्ते भारतीय संविधानाचे शिल्पकार डॉ बाबासाहेब आंबेडकर व पंडित जवाहरलाल नेहरू यांच्या प्रतिमेचे पुजन करून कार्यक्रमाची सुरुवात करण्यात आली. या कार्यक्रमा प्रसंगी चालू शैक्षणिक वर्षातील (२०२५-२६) घेण्यात आलेल्या विविध स्पर्धेचे व वार्षिक खेळाचे प्रमाणपत्र विद्यार्थ्यांना देण्यात आले. यावेळी विद्यार्थ्यांनी प्रजासत्ताक दिनाच्या शुभेच्छा देत प्रजासत्ताक दिनाविषयी आपले मनोगत व्यक्त केले. तसेच के जी च्या विद्यार्थ्यांनी नृत्य सादर केले व काही विद्यार्थ्यांनी देशभक्तीपर गीत सादर केले. तसेच संस्थेचे सचिव सुनिल होन यांनी भारताचे संविधान हा भारताचा सर्वोच्च कायदा आहे हा दस्तऐवज मुलभूत, राजकीय संहिता, संरचना, कार्यपद्धती, अधिकार आणि सरकारी संस्थाची कर्तव्ये आणि मुलभूत अधिकार, मार्गदर्शक तत्त्वे आणि नागरिकांची कर्तव्ये निर्धारित करणारी चौकट मांडतो, असे आपल्या भाषणात सांगितले. तसेच प्राचार्या ज्योती खरात यांनी भारतीय संविधानाचा सर्वांनी आदर केला पाहिजे असे सांगून भारतीय संविधानाची माहिती विद्यार्थ्यांना सांगितली. या कार्यक्रमाचे प्रास्ताविक स्वाती वक्ते यांनी केले तर स्नेहल होन यांनी सुत्रसंचालन केले. तसेच अश्विनी होन यांनी सर्वांचे आभार व्यक्त केले. या कार्यक्रमासाठी संस्थेचे अध्यक्ष भास्करराव होन, सचिव सुनिल होन, संचालक सागर होन, प्राचार्या ज्योती खरात, अश्विनी होन, पल्लवी होन, स्वाती वक्ते, स्नेहल होन, मिनल बोरावके , शितल होन,सायली बोरावके ,कविता लिंभुरे ,रुपाली होन,रेश्मा जावळे ,प्रीती दहे इ. शिक्षक व मुक्ता तुवर, रेणुका साळुंके , शिवाजी जाधव, सादिक सय्यद, सोमनाथ पवार इ. शिक्षकेत्तर कर्मचाऱी उपस्थित होते.
