कोपरगाव प्रतिनिधी
संत-महंतांच्या पदस्पर्शाने पावन झालेल्या भूमीत वारकरी सांप्रदायाचा वारसा लाभलेल्या अहिल्यानगर जिल्हयाची ओळख ही वारकरी साहित्याने जपली आहे. वारकरी नेहमी आपल्या शैलीने रसाळ वाणीतून समाजप्रबोधन करत सुसंस्कृत समाज घडविण्याचा आटोकाट प्रयत्न करीत असतात. त्यांच्या कार्याला बळ मिळावे म्हणून त्यांची दखल घेऊन वारकरी साहित्य परिषद अहिल्यानगर जिल्हाध्यक्ष हरी भक्त परायन श्री.आण्णांसाहेब शिंदे यांनी संवत्सर येथील ह. भ. प. श्री. भिका नामदेव कर्पे महाराज यांची वारकरी साहित्य परिषद कोपरगाव तालुकाध्यक्ष पदी निवड करण्यात आली.त्यांच्या या निवड झाल्याबद्दल भारतीय जनता पार्टी दिव्यांग सेल तसेच श्री संत सावता माळी युवक संघ महाराष्ट्र राज्य अहिल्यानगर जिल्हाध्यक्ष श्री.मुकुंद मामा काळे, सौ.छायाताई मुकुंदमामा काळे, कोपरगाव तालुका पुर्व मंडल कार्यकारणी सचिव श्री.गणेश काका साबळे यांनी ह.भ.प.श्री.भिका नामदेव कर्पे महाराज यांचा शाल, श्रीफल व पुष्पगुच्छ देऊन यथोचित सत्कार करून मनपूर्वक शुभेच्छा दिल्या. तसेच सहकार महर्षी शंकररावजी कोल्हे साहेब सहकारी साखर कारखान्याचे संचालक श्री. ज्ञानेश्वर बापु परजणे, कोपरगाव संजीवनी सहकारी पतसंस्थेचे चेअरमन श्री.राजेंद्र भाऊ परजणे व संवत्सर ग्रामपंचायत सदस्य श्री. महेश भाऊ परजणे यांनी देखील अभिनंदन करुन पुढील वाटचालीस शुभेच्छा दिल्या.सत्काराला उत्तर देतांना ह भ प कर्पे महाराज म्हणाले की, मी समाज प्रबोधना बरोबरच वारकरी साहित्य परिषदेने माझ्यावर सोपविलेले जबाबदारी मी पूर्णत्वास नेण्याचा आटोकार प्रयत्न करील.
यावेळी ह.भ.प.श्री.लहानु भाऊ गुंड, श्री.मुकुंद मामा काळे, सौ.छायाताई मुकुंदमामा काळे, श्री. गणेश काका साबळे व श्री.वाल्मीक चांगदेव पवार आदी मान्यवर उपस्थित होते
