कोपरगाव प्रतिनिधी
प्रभाग क्रमांक ६ गावठाण परिसरातील कापड बाजार येथील पुरातन श्री गोकर्ण गणेश मंदिरात रविवार, दिनांक ७ डिसेंबर २०२५ रोजी संकष्टी चतुर्थीनिमित्त धार्मिक उत्साहाचे वातावरण अनुभवायला मिळाले. सहकार महर्षी शंकरराव कोल्हे सहकारी साखर कारखान्याचे चेअरमन युवानेते विवेकभैय्या कोल्हे यांच्या हस्ते श्री गणरायाचे विधिवत पूजन व आरती अत्यंत भक्तीभावाने संपन्न झाली.
या प्रसंगी कोपरगाव तालुक्याचे युवानेते माननीय श्री. विवेक भैय्या कोल्हे यांच्या कडून दिव्यांका परदेशीचा सोशल मिडिया इन्फ्लुएन्सर तसेच अत्यंत कमी वेळेत सोशल प्लॅटफॉर्मवर चांगली कामगिरी म्हणून सत्कार करण्यात आला असून पुढील भावी वाटचालीस हार्दिक शुभेच्छा दिल्या.
या प्रसंगी माजी नगराध्यक्ष सौ. ऐश्वर्यलक्ष्मी सातभाई, माजी उपनगराध्यक्ष योगेश बागुल, भारतीय जनता पार्टी – आरपीआय – मित्र पक्ष लोकसेवा आघाडीचे नगरसेवक पदाचे उमेदवार विक्रमादित्य सातभाई, कापड बाजार उत्सव समितीचे पदाधिकारी, व्यापारी बांधव तसेच परिसरातील नागरिक मोठ्या संख्येने उपस्थित होते.
कार्यक्रमादरम्यान युवानेते विवेकभैय्या कोल्हे यांच्यासह उपस्थित मान्यवरांचा कापड बाजार उत्सव समितीच्या वतीने योगेश बागुल, विक्रमादित्य सातभाई तसेच समिती सदस्यांनी शाल-श्रीफळ देऊन सन्मान करण्यात आला. यावेळी विवेकभैय्या कोल्हे यांनी प्रभागातील नागरिकांच्या समस्या प्रत्यक्ष ऐकून घेतल्या आणि त्या सोडविण्यासाठी आवश्यक ती तत्काळ पावले उचलण्याचे आश्वासन दिले.
या वेळी कुणाल लोणारी, आशिष निकुंभ, निखिल जोशी, शुभम भावसार, राहुल खडांगळे, मयूर खडांगळे, सनी खैरे योगेश पवार, नितीन जोशी, ओम बागुल आधी मित्र परिवार उपस्थित होते.
धार्मिक विधीनंतर सर्व गणेश भक्तांना खिचडी प्रसादाचे वाटप करण्यात आले. भक्ती, श्रद्धा आणि सामूहिक उत्साहाने परिपूर्ण असा हा संकष्टी चतुर्थीचा कार्यक्रम उत्साहात पार पडला.
