कोपरगाव प्रतिनिधी
कोपरगाव तालुका भाजपा अनुसूचित जाती मोर्चा सचिव पदी जेऊर कुंभारी येथील युवा कार्यकर्ते किशोर गायकवाड यांची निवड करण्यात आली आहे.सदर पदाचे नियुक्ती पत्र संजीवनी उद्योग समूहाचे अध्यक्ष श्री.बिपीनदादा कोल्हे यांच्या अध्यक्षतेखाली कोपरगांव तालुक्याच्या प्रथम महिला आमदार सौ स्नेहलताताई कोल्हे व युवानेते विवेकभैय्या कोल्हे यांच्या हस्ते देण्यात आले. युवानेते विवेकभैय्या कोल्हे यांचे कट्टर समर्थक अशी गायकवाड यांची ओळख आहे. तालुक्याच्या प्रथम महिला आमदार सौ.स्नेहलताताई कोल्हे यांच्या संपर्क कार्यालयाच्या माध्यमातून गोरगरीब व मागासवर्गीय समाजासाठी शासनाच्या विविध कल्याणकारी योजना राबविण्यात येतात. आपल्याला मिळालेल्या पदाच्या माध्यमातून सर्वसामान्यांना त्या योजनांचा अधिक लाभ कसा घेता येईल या दृष्टीने प्रयत्न करणार असल्याचे गायकवाड यांनी सांगितले.
