कोपरगाव प्रतिनिधी
अहमदनगर भारत स्काऊट गाईड संस्थेने २० ऑगस्ट २०२५ रोजी कोपरगाव येथे कब बुलबुल, स्काऊट आणि गाईड शिक्षकांसाठी विशेष बिगीनर्स कोर्सचे आयोजन केले होते. कोपरगाव येथील सेवा निकेतन कॉन्व्हेंट स्कूलमध्ये हा महत्त्वपूर्ण कार्यक्रम पार पडला.
या कोर्ससाठी सिस्टर ज्योती पन्ना आणि कोपरगाव पंचायत समितीमधील विषय साधन व्यक्ति श्री. संजय दहिफळे साहेब यांनी शुभेच्छा दिल्या.
याप्रसंगी श्रीमती वाळे द्वारका मॅडम, श्रीमती रासकर संगीता मॅडम, तसेच सहाय्यक श्री. गडकर संजय सर आणि श्री. घोरपडे ज्ञानेश्वर सर यांनी शिक्षकांना मोलाचे मार्गदर्शन केले. श्री. सुरवडकर सर यांनी नोंदणी प्रक्रिया यशस्वीपणे पूर्ण केली.
कोपरगाव तालुक्यामधील विविध शाळांमधून जवळपास ७० शिक्षक-शिक्षिका या कोर्समध्ये सहभागी झाले होते. सर्वांनी उत्तम सहभाग घेऊन मार्गदर्शन सत्रांचा लाभ घेतला. सेवा निकेतन कॉन्व्हेंट स्कूलच्या मॅनेजर सिस्टर मेरी कोर वालो आणि प्रिन्सिपल सिस्टर स्मिता आवलू यांनी प्रशिक्षणासाठी आवश्यक उत्तम व्यवस्था करून कार्यक्रमाला सहकार्य केले.
कार्यक्रमाचे सूत्रसंचालन सोमय्या विद्यामंदिर, साकरवाडी येथील स्काऊट मास्टर श्री. गडकर संजय कोंडाजी यांनी केले. सेवा निकेतन कॉन्व्हेंट स्कूलचे स्काऊट मास्टर श्री. घोरपडे ज्ञानेश्वर सर यांनी उपस्थितांचे आभार मानले.
हा कोर्स शिक्षकांना स्काऊट-गाईड उपक्रम अधिक प्रभावीपणे राबवण्यासाठी नक्कीच उपयुक्त ठरेल.
