जेऊर कुंभारी वार्ताहर
कोपरगाव तालुक्यातील जोगेश्वरी इंटरनॅशनल स्कूलमध्ये श्रीकृष्ण जन्माष्टमीच्या शुभ मुुहर्तावर दहीहंडीचा कार्यक्रम उत्साहात पार पडला.मुले व मुली श्रीकृष्ण व गोपीकांच्या वेशभूषा परिधान करून आले होते.दोन थराच्या दहीहंडीचा विदयार्थ्यांनी आनंद लुटला. सुशिम गायकवाड आणि मनस्वी कांबळे हे विद्यार्थी राधा व कृष्णा बनले होते. सुशिम गायकवाड याने श्री कृष्णा च्या वेशभूषेत दहीहंडी फोडली.सर्व मुलांनी फुटलेल्या दहीहंडीतून प्रसाद गोळा करण्याचा आनंद लुटला.या प्रसंगी श्रीकृष्ण जन्मकथा ऐकवण्यात आली.मुलांनी राधा कृष्णाच्या गाण्यांवर नृत्य सादर करून ताल धरला . तसेच स्वाती वक्ते यांनी गवळणी सादर केल्या.
या कार्यक्रमाला संस्थेचे सचिव सुनील होन ,संचालक सागर होन , प्राचार्या ज्योती खरात इ.मान्यवर उपस्थित होते.त्यांच्या हस्ते दहीहंडी व राधा कृष्णाच्या प्रतिमेचे पूजन करण्यात आले.
या कार्यक्रमाचे सूत्रसंचालन अश्विनी पवार यांनी केले तसेच स्वाती वक्ते यांनी आभार मानले.
या प्रसंगी अश्विनी होन, पल्लवी होन, स्वाती वक्ते, श्रद्धा होन,स्नेहल होन, शितल होन, मिनल बोरावके,सायली बोरावके, अश्विनी पवार,कविता लिंभुरे इ.शिक्षक तसेच मुक्ता तुवर,कांचन आव्हाड ,शिवाजी जाधव,सादिक सय्यद,सोमनाथ पवार,साई पवार,भरत पवार, साई पवार इ. शिक्षककेत्तर कर्मचारी उपस्थित होते.
