जेऊर कुंभारी वार्ताहर
कोपरगाव तालुक्यातील शैक्षणिक दृष्ट्या अग्रगण्य असणाऱ्या डाऊच खुर्द येथील जोगेश्वरी इंटरनॅशनल स्कूल मध्ये वृक्षारोपण करण्यात आले व तसेच *एक पेड माॅं के नाम* हा देखील उपक्रम राबविण्यात आला.झाडे जीवनदायी असतात ती आई प्रमाणेच पुढच्या पिढीसाठी पोषण, संरक्षण, आणि भविष्य प्रदान करतात. या उपक्रमाद्वारे, सहभागी केवळ त्यांच्या आईच्या सन्मानार्थ एक चिरस्थायी स्मृती निर्माण करत नाही तर पर्यावरण संवर्धनाच्या तातडीच्या गरजेला देखील संबोधित करत आहेत. मुलांना आनंददायी आणि निसर्ग रम्य वातावरण देण्यासाठी जोगेश्वरी इंटरनॅशनल स्कूल सदैव कार्य तत्पर असते. संस्थेचे अध्यक्ष भास्करराव होन व उपाध्यक्ष अलका ताई होन यांच्या हस्ते वृक्षारोपण करण्यात आले. पर्यावरण रक्षणाची जबाबदारी ही सर्वांची आहे. यासंबधी ची जाणीव प्रत्येकाला झाली तर पर्यावरण संवर्धनासाठी ठोस असे कार्य उभे राहु शकेल असे ते म्हणाले. यावेळी संस्थेचे सचिव सुनिल होन, संचालक सागर होन, प्राचार्या ज्योती खरात, अश्विनी होन, पल्लवी होन, स्वाती वक्ते,श्रध्दा होन, स्नेहल होन, मीनल बोरावके, शितल होन, सायली बोरावके अश्विनी पवार, कविता लिंभुरे, इत्यादी शिक्षक व मुक्ता तुवर, कांचन आव्हाड, सादिक सय्यद, शिवाजी जाधव, सोमनाथ पवार, भरत पवार, इत्यादी शिक्षकेत्तर कर्मचारी उपस्थित होते.
