कोपरगाव प्रतिनिधी
कोपरगाव तालुक्याच्या पूर्व भागातील सडे ग्रामपंचायतीच्या विद्यमान उपसरपंच सौ.मीराबाई सुदाम बारहाते यांनी रोटेशननुसार आपल्या पदाचा राजीनामा दिल्यामुळे रिक्त झालेल्या जागेवर काळे गटाच्या सौ.अनीता संतोष बारहाते यांची बिनविरोध करण्यात आली आहे.
सडे ग्रामपंचायतीच्या रिक्त असलेल्या उपसरपंचपदासाठीची निवडणूक प्रक्रिया नुकतीच सरपंच सौ. आशाताई बारहाते यांच्या अध्यक्षतेखाली पार पडली. यावेळी उपसरपंचपदासाठी निर्धारित वेळेत सौ.अनीता संतोष बारहाते यांचा एकमेव अर्ज प्राप्त झाल्यामुळे निवडणूक अधिकारी म्हणून काम पाहत असलेले ग्रामसेवक चंद्रकांत जोशी यांनी सौ.अनीता संतोष बारहाते यांची बिनविरोध निवड झाल्याचे जाहीर केले. यावेळी सरपंच, सर्व सदस्य व काळे गटाच्या कार्यकर्त्यांनी नवनिर्वाचित उपसरपंच सौ.अनीता संतोष बारहाते यांचा सत्कार करून त्यांना शुभेच्छा दिल्या. यावेळी सरपंच सौ.आशाताई बारहाते, मावळत्या उपसरपंच सौ. मीराबाई सुदाम बारहाते, सदस्य नितीन बारहाते, सिध्दार्थ मोकळ, सागर गोरे, मिनाताई कुसाळकर, रावसाहेब बारहाते,बापुराव बारहाते,अशोक बारहाते, गोपीनाथ बारहाते, विजय बारहाते, रमेश वाकचौरे, सुदाम बारहाते, गोकुळ बारहाते, सतिष बारहाते, सुनिल बारहाते, संजय बारहाते, कैलास बारहाते, अनिल बारहाते, रोषण बारहाते, आप्पासाहेब गुंजाळ, प्रभाकर बारहाते,शामराव बारहाते, बाबासाहेब बारहाते, ग्रामसेवक चंद्रकांत जोशी आदी मान्यवरांसह काळे गटाचे कार्यकर्ते व सडे ग्रामस्थ मोठ्या संख्येने उपस्थित होते.
नवनिर्वाचित उपसरपंच सौ.अनीता बारहाते यांचे माजी आमदार अशोकराव काळे व आ. आशुतोष काळे यांनी अभिनंदन करून त्यांना पुढील वाटचालीसाठी शुभेच्छा दिल्या आहेत. उपसरपंचपदावर काम करण्याची संधी दिल्याबद्दल नवनिर्वाचित उपसरपंच सौ.अनीता संतोष बारहाते यांनी आ.आशुतोष काळे आभार मानले आहे. ज्या विश्वासाने माझ्यावर उपसरपंचपदाची दिलेली जबाबदारी
हि फक्त जबाबदारी नाही, तर ग्रामस्थांच्या विश्वासाचं प्रतीक आहे. त्या विश्वासाला तडा जावू न देता सरपंच, सर्व सदस्य यांच्या सहकार्यातून सडे ग्रामस्थांना अपेक्षित असलेला विकास करून दाखवून गावाच्या प्रगतीचा नवा इतिहास घडवणार असल्याचे उपसरपंच सौ.अनीता बारहाते यांनी सांगितले. सडे ग्रामपंचायतीच्या नवनिर्वाचित उपसरपंच सौ.अनीता बारहाते यांचे अभिनंदन करून त्यांचा सत्कार करतांना सरपंच, सदस्य व कार्यकर्ते.
