जेऊर कुंभारी वार्ताहर
कोपरगाव तालुक्यातील शैक्षणिक दृष्ट्या अग्रगण्य असणाऱ्या डाऊच खुर्द येथील जोगेश्वरी इंटरनॅशनल स्कूलमध्ये आज दिनांक १० जुलै २०२५ रोजी गुरुपौर्णिमा उत्सव उत्साहात पार पडला.
यावेळी जिजाई बहुउद्देशीय शैक्षणिक संस्थेचे सचिव सुनिल होन ,संचालक सागर होन हे प्रमुख पाहुणे म्हणुन उपस्थीत होते.
आपल्या भारतीय संस्कृतीनुसार या कार्यक्रमाची सुरवात सरस्वती पूजन करून करण्यात आली.तसेच संस्थेचे सचिव सुनिल होन,संचालक सागर होन व प्राचार्या ज्योती खरात यांच्या हस्ते गुरुदेव दत्तांची व सरस्वती मातेची पुजा करण्यात आली.आणि या कार्यक्रमाची सुुरवात झाली.
या प्रसंगी इयत्ता पाचवी ते आठवी च्या विद्यार्थ्यांनी विविध प्रकारच्या कार्यक्रमाचे नियोजन केले.तसेच मुलांनी भाषणे देखील केली.मुलांनी आपल्या मनोगतातून शिक्षकांबद्दल आदर आणि सन्मान व्यक्त केला. यावेळी स्वाती वक्ते यांनी देखील आपले मनोगत व्यक्त केले.त्यांनी मुलांना आई वडील,शिक्षक आणि थोरा मोठ्यांचा आदर सन्मान करावा असे सांगितले.
गुरू हे ज्ञानाचे सागर आहेत ,ज्यांच्या मार्गदर्शनाने अज्ञानाचे अंधार सरतात आणि खऱ्या अर्थाने जीवनाचा अर्थ ते शिकवतात असे संस्थेचे सचिव सुनिल होन यांनी आपले मनोगत व्यक्त करताना सांगितले.या प्रसंगी सर्व विद्यार्थी उपस्थित होते.
या कार्यक्रमाचे सूत्रसंचालन स्नेहल होन यांनी केले तर आभार अश्विनी होन यांनी व्यक्त केले.
या कार्यक्रमासाठी सचिव सुनील होन,संचालक सागर होन, प्राचार्या ज्योती खरात, अश्विनी होन, पल्लवी होन,स्वाती वक्ते,श्रद्धा होन,स्नेहल होन, मिनल बोरावके, शितल होन,सायली बोरावके,निशा पवार,अश्विनी पवार इ. शिक्षक तसेच मुक्ता तुवर ,कांचन आव्हाड, वाल्मीक होन,सादिक सय्यद, शिवाजी जाधव, सोमनाथ पवार,भरत ,पवार इ. शिक्षकेतर कर्मचारी उपस्थित होते.
