जेऊर कुंभारी वार्ताहर
श्री मयुरेश्वर इंग्लिश मिडियम स्कूल पोहेगाव येथे ६जुलै रोजी आषाढी एकादशी निमित्त स्कूलच्या ८०० विद्यार्थ्यांनी दिंडी सोहळ्यामध्ये सहभाग घेतला. विठुराया व अन् आषाढीचे महत्व शहर परिसरातील शाळांमधील चिमुकल्यांनाही समजावे. या उद्देशाने काल रविवारी पोहेगाव येथे आषाढी एकादशी साजरी करण्यात आली.
पोहेगाव येथे ज्ञानोबा माऊलीच्या गजरात विलोभनीय दिंडी सोहळा साजरा करण्यात आला. विठ्ठल रखुमाई-वारकरी अशा वेगवेगळ्या पोशाखांतील विद्यार्थ्यांनी परिसरात काढलेली दिंडी अन माऊली माउलीचा जयघोष यामुळे चैतन्य अवतरले होते.पर्यावरण संरक्षण, पाणी वाचवा, असा संदेश देऊन सामाजिक प्रबोधन देखील केले या कार्यक्रमासाठी शाळेच्या संचालिका सौ. वैशाली साळुंके मॅडम, शाळेच्या मुख्याध्यापिका सौ कविता विसे मॅडम तसेच शाळेच्या उपमुख्याध्यापिका सौ तन्मयी काथे मॅडम यांचे मार्गदर्शन लाभले. कार्यक्रमाचे आयोजन संदीप जोरी सर पर्यवेक्षिका सौ रेणुका औताडे, सौ. वैशाली वर्पे, सौ माधुरी होन. यांनी अतिशय सुरेख केले. अर्चना देशमुख, रेणुका डुबे, सुरेखा लांडगे, अश्विनी होन, शुभांगी मुसळे शुभांगी औताडे, शिवनाथ गव्हाणे सर, सुनील अनाप सर, व इतर शिक्षकांनी कार्यक्रम पार पडण्यास अतिशय मोलाचे सहकार्य केले.
या सोहळ्यादरम्यान विद्यार्थ्यांनी लाठीकाठी, झान्झ, लेझिम हया प्रात्यक्षिकांचे प्रदर्शन करून प्रेक्षकांना मंत्रमुग्ध केले.
एकादशीला साई आधार बहुउद्देशीय प्रतिष्ठान यांच्या तर्फे विद्यार्थ्यांना खिचडी प्रसादाचे वाटप केले. त्याबद्दल संस्थेचे अध्यक्ष विलासराव साळुंके सर. व सचिन काथे सर यांनी त्यांचे आभार मानत शाल व श्रीफळ देऊन सत्कार केला.
रिमझिम पावसात हा सोहळा पाहण्यासाठी साई आधार प्रतिष्ठान चे सर्व संचालक व पालकही मोठ्या संख्येने उपस्थित होते. या सोहळ्याची पसायदानाने सांगता करण्यात झाली.
