कोपरगाव प्रतिनिधी
२७ मार्च रोजी
कोपरगाव येथील प्राथमिक शिक्षक लक्ष्मीकांत वाडीले सर यांचे वडील डॉ. पंडित शंकर वाडीले यांचे हृदय विकाराच्या धक्क्याने दि.२६ मार्च २०२५ रोजी दुःखद निधन झाले.त्यांचे वय ६८ वर्षे होते.वैद्यकीय क्षेत्राच्या माध्यमातून धुळे नंदुरबार जिल्ह्यातील दुर्गम भागामध्ये हजारो गोर गरीब जनतेची ३० वर्षे निस्वार्थ सेवा करून सामाजिक क्षेत्रात ते अग्रेसर होते. भोई समाजातील ते अग्रणी व्यक्तिमत्त्व होते.सत्य, निडर आणि करारी व्यक्तिमत्व असल्याने प्रचंड मोठा जनसंपर्क होता.त्यांच्या निधनाची बातमी कळताच परिसरात शोककळा पसरली.त्यांच्या अंत्यविधीस मोठा जनसमुदाय उसळला होता.त्यांच्या पश्चात पत्नी, एक मुलगा,सून आणि नातवंडे दोन मुली व दोन जावई असा परिवार आहे. ईश्वर त्यांच्या आत्म्यास शांती प्रदान करो, अशी प्रार्थना अनेकांनी व्यक्त केली आहे.त्यांचा दशक्रिया विधी कार्यक्रम दि.४ मार्च 2025 वार शुक्रवारी होणार आहे.
