प्रेरणा दिनानिमित्त विद्यार्थ्यांना शालेय पुस्तकांचे वाटप
जेऊर कुंभारी वार्ताहर
स्वर्गीय शंकरराव कोल्हे साहेब यांनी सहकार, कृषी,सामाजिक ,शैक्षणिक क्षेत्रात उल्लेखनीय कार्य केले असून त्यांचे कार्य नेहमी प्रेरणादायी आहे. असे प्रतिपादन आरपीआयचे राज्यसचिव दिपकराव गायकवाड यांनी केले. स्वर्गीय शंकररावजी कोल्हे साहेब यांचे जयंतीनिमित्त प्रेरणा दिनाचे औचित्य साधत भीम साम्राज्य सेना मित्रमंडळाचे वतीने जि. प.प्राथमीक शाळा गिरमे वस्ती येथे विद्यार्थ्यांना पुस्तकांचे वाटप करून स्वर्गीय कोल्हे साहेबांना अभिवादन करण्यात आले. सदर प्रसंगी बोलताना दिपकराव गायकवाड पुढे म्हणाले की, ग्रामीण भागातील विद्यार्थ्यांना दर्जेदार व तांत्रिकी शिक्षण मिळावे यासाठी कोल्हे साहेबांनी संजीवनी ग्रामीण शिक्षण संस्थेची स्थापना केली. आज पर्यंत हजारो ग्रामीण भागातील होतकरू विद्यार्थ्यांनी या शिक्षण संस्थेमध्ये शिक्षण घेऊन आपल्या गुणवत्तेच्या जोरावर विविध ठिकाणी नोकरी मिळविलेली आहे. वंचित आणि शोषित समाजाला साहेबांनी विविध ठिकाणी संधी आणि न्याय देण्याचे काम केलेले आहे. अशा दूरदर्शी नेतृत्वाच्या मार्गदर्शनाखाली सामाजिक क्षेत्रात काम करण्याची संधी मिळाली याचा देखील अभिमान वाटतो असेही गायकवाड यावेळी म्हणाले. संचालक बाळासाहेब वक्ते यांनी स्वर्गीय कोल्हे साहेबांच्या जीवनावर मार्गदर्शन केले तर भास्करराव वाकोडे यांनी भीमसाम्राज्य सेनेचा उपक्रम वाखाणण्याजोगा असल्याचे सांगितले. यावेळी आर पी आय चे राज्य सचिव दीपकरावजी गायकवाड ,सहकार महर्षी शंकररावजी कोल्हे सह.साखर कारखान्याचे संचालक सतीश भाऊ आव्हाड,माजी संचालक मधुकर अण्णा वक्ते,माजी सरपंच आनंदा पा.चव्हाण,तंटामुक्ती समिती चे अध्यक्ष जालिंदर चव्हाण,ज्येष्ठ मार्गदर्शक भास्करराव वाकोडे ,भास्करराव गायकवाड, किशोरआबा गायकवाड, अशोकराव राऊत,कोंडीरामजी वक्ते, किसनराव गायकवाड,शाळेच्या मुख्याध्यापिका जोशी मॅडम,शिक्षक साळुंखे सर, धुमणे सर,भीमसाम्राज्य सेनेचे संस्थापक प्रदीप गायकवाड,कार्याध्यक्ष सुमित पगारे,उपाध्यक्ष दावीद धीवर, सागर जगताप, सोमेश्वर गायकवाड, निलेश शिंदे,अवि पगारे आदी उपस्थित होते. प्रस्ताविक अनुज धुमने सर यांनी केले तर प्रदिप गायकवाड यांनी आभार व्यक्त केले.
