कोपरगाव प्रतिनिधी
नेहमीच सामाजिक कार्यात अग्रेसर असणाऱ्या महाराष्ट्र राज्य पत्रकार संघ कोपरगाव यांच्या वतीने जागतिक महिला दिनानिमित्त कोपरगाव नगरपालिकेच्या महिला अधिकारी, सफाई महिला कर्मचारी व समृद्धी शहर स्तर अंतर्गत बचत गटाच्या महिलांचा राज्य संघटनेचे प्रदेश सरचिटणीस डॉ विश्वासराव आरोटे व जिल्हाध्यक्ष सोमनाथ काळे तसेच नगरपालिकेचे मुख्याधिकारी तथा प्रशासक सुहास जगताप यांच्या मार्गदर्शनाखाली गुरुवार दि २० मार्च रोजी नगरपरिषदेच्या सभागृहात नगरपालिकेचे उपमुख्याधिकारी मनोजकुमार पापडीवाल, सहाय्यक रचनाकार अश्विनी पिंगळ, समृद्धी शहरस्तर संघ कोपरगावच्या अध्यक्षा मनीषा ढवळे, आरोग्य विभागाचे सुनील आरणे, नगरपरिषदेचे शहर अभियान व्यवस्थापक रामनाथ जाधव राज्य पत्रकार संघाचे तालुकाध्यक्ष जनार्दन जगताप, उपशहरध्यक्ष स्वप्निल कोपरे, तालुका सचिव प्रा विजय कापसे, शहर संघटक रवी वाघडकर, पत्रकार अनिल दीक्षित,अक्षय काळे आदींच्या प्रमुख उपस्थितीत उपस्थित सर्व महिलांना सन्मानपत्र, गुलाब पुष्प व भेटवस्तू देत सन्मान करण्यात आला.
सदर कार्यक्रमाचे प्रास्ताविक संघटनेचे तालुकाध्यक्ष जनार्दन जगताप यांनी करत संघटनेच्या कार्याची महती सांगितली तर कार्यक्रमाचे सूत्रसंचालन संघटनेचे तालुका सचिव प्रा.विजय कापसे यांनी केले.तर उपमुख्याधिकारी मनोजकुमार पापडीवाल, सहाय्यक रचनाकार अश्विनी पिंगळ, नगरपरिषदेचे शहर अभियान व्यवस्थापक रामनाथ जाधव यांनी आपले मनोगत व्यक्त करत उपस्थित महिलांना महिला दिनाच्या शुभेच्छा देत पत्रकार संघाने राबवलेल्या या अभिनव उपक्रमाचे कौतुक करत आभार व्यक्त केले.
याप्रसंगी रचना सहाय्यक रश्मी प्रधान, कर निरीक्षक कविता सोनवणे, रोहिणी जाधव, पाणीपुरवठा व स्वच्छता अभियंता रूपाली भालेराव, संगणक अभियंता नेहा मिटके, आस्थापना विभागाच्या रत्नप्रभा अमोलीक, जन्ममृत्यू विभागाच्या मीना कदम, लेखा विभागाच्या प्रचिती गोसावी आदिसह महिला शिपाई, शहर स्तर बचत गटाच्या महिला तसेच नगरपालिकेच्या सफाई कर्मचारी महिला मोठ्या संख्येने उपस्थित होत्या.कार्यक्रमास नगरपालिकेचे कार्यालयीन अधिकक्षक ज्ञानेश्वर चाकणे, समृद्धी शहर स्तर संघ व्यवस्थापक हर्षा पाटील यांचे विशेष सहकार्य लाभले तर कार्यक्रम यशस्वीतेसाठी राज्य पत्रकार संघटनेच्या कोपरगाव तालुका व शहर पदाधिकारी सदस्यांनी अथक मेहनत घेतली
