जेऊर कुंभारी वार्ताहर
दि.१९ मार्च रोजी कोपरगाव तालुक्यातील डाउच खुर्द येथील जोगेश्वरी इंटरनॅशनल स्कूल मध्ये रंगपंचमी उत्साहात साजरी करण्यात आली.याप्रसंगी संस्थेचे अध्यक्ष भास्करराव होन, सचिव सुनिल होन, संचालक सागर होन , प्राचार्या ज्योती खरात यांची उपस्थिती लाभली व त्यांनी देखील विद्यार्थ्यांसमवेत रंगपंचमी चा मनसोक्त आनंद लुटला. सर्व विद्यार्थ्यांनी एकमेकांना रंग लावून , व निसर्ग रम्य वातावरणामध्ये रंगाची उधळण करून गाण्यांवर ती ठेका धरला.
रंगपंचमी हा भारतीय सणांपैकी एक सण आहे. भारतीय सणांचे ॠतुमानानुसार फार महत्त्व आहे. रंगपंचमी हा सण आपण वेगवेगळे रंग घेऊन साजरी करतो याचवेळी निसर्ग सुद्धा रंगाची उधळण करीत असतो.
घरी मुले एकटीच असतात ,जोगेश्वरी इंटरनॅशनल स्कूल मध्ये रंगपंचमी हा उपक्रम राबविण्यात आल्याने मुलांना एकत्रित रंगपंचमीचा आनंद लुटता आला. एकजुटीचे महत्त्व मुलांना समजते. यातुनच भारतीय संस्कृती चे, परंपराचे जतन केले जाते.
विद्यार्थ्यांना आनंददायी शिक्षण देण्यासाठी जोगेश्वरी इंटरनॅशनल स्कूल चे अध्यक्ष भास्करराव होन, सचिव सुनिल होन, संचालक सागर होन, प्राचार्या ज्योती खरात, अश्विनी होन, पल्लवी होन, स्वाती वक्ते, सविता होन, श्रद्धा होन, स्नेहल होन, मिनल बोरावके, शितल होन इ. शिक्षिका व मुक्ता तुवर, शिवाजी जाधव, वाल्मिक होन, सादिक सय्यद, सोमनाथ पवार इ. शिक्षकेत्तर कर्मचारी बहुमोल परीश्रम घेत असतात.
