जेऊर कुंभारी वार्ताहर
कोपरगाव तालुक्यातील जोगेश्वरी इंटरनॅशनल स्कुलमध्ये सावित्रीबाई ज्योतिराव फुले यांची जयंती उत्साहात साजरी करण्यात आली कार्यक्रमाचे सर्व नियोजन इयत्ता ४ थी च्या विद्यार्थ्यांनी केले.
दिनांक 3 जानेवारी म्हणजे एका भारतीय समाज- सुधारक शिक्षणतज्ज्ञ आणि कवयित्री, तसेच भारतातील पहिल्या महिला शिक्षिका म्हणून ओळखल्या जाणाऱ्या सावित्रीबाई फुले यांची जयंती. ज्यांना आपण क्रांतीज्योती संबोधतो.सावित्रीबाई फुले यांच्या प्रतिमेचे पूजन संस्थेचे अध्यक्ष भास्करराव होन, सचिव सुनील होन , संचालक सागर होन , प्राचार्या ज्योती खरात यांनी केले.
सावित्रीबाई फुले यांनी समाजाची अन्याय कारक वागणूक, विधवांचे होणारे केशव पण, बालविवाह थांबवण्यासाठी किती कष्ट घेतले कोणकोणत्या समस्यांना त्या सामोऱ्या गेल्या तसेच मुख्य म्हणजे त्यांनी मुलींसाठी पहिली शाळा कोठे ,कशी सुरू केली यावर मुलांनी माहिती दिली व आपले मनोगत व्यक्त केले.
कार्यक्रमाचे मार्गदर्शन सौ. स्नेहल होन यांनी केले. तसेच या कार्यक्रमासाठी संस्थेचे अध्यक्ष भास्कर होन, सचिव सुनिल होन ,संचालक सागर होन, प्राचार्या ज्योती खरात, पल्लवी होन, स्वाती वक्ते, सविता होन, शोभा चंदनशिव, मिनल बोरावके, शितल होन तसेच मुक्ता तुवर, प्रिती शिंदे, वाल्मिक होन, शिवाजी जाधव, सादिक सय्यद ,सोमनाथ पवार आदि शिक्षक व शिक्षकेत्तर कर्मचारी उपस्थित होते.
