जेऊर कुंभारी वार्ताहर
जोगेश्वरी इंटरनॅशनल स्कूल मध्ये संविधान दिन साजरा करण्यात आला, संस्थेचे सचिव सुनिल होन व संचालक सागर होन यांच्या हस्ते भारतीय राज्य घटनेचे शिल्पकार डॉं बाबासाहेब आंबेडकर यांच्या प्रतिमेचे पुजन करण्यात आले. तसेच विद्यार्थ्यांनी संविधानातील उद्देशिकेचे वाचन केले.तसेच, २६/११ च्या दहशतवादी हल्ल्यातील शहीद जवानांना श्रध्दांजली अर्पण करण्यात आली. आपल्या देशाच्या राज्य कारभारासाठी लिखित संविधान तयार करण्यासाठी संविधान सभेची स्थापना करण्यात आली. डॉं. राजेंद्र प्रसाद हे संविधान सभेचे अध्यक्ष होते. संविधानातील नियमांचा मसुदा तयार करण्यासाठी नेमण्यात आलेल्या मसुदा समितीचे अध्यक्ष डॉं. बाबासाहेब आंबेडकर हे होते. या मसुदा समितीने संविधानाचा अंतिम रुप दिल्यावर २६ नोव्हेंबर १९४९ रोजी संविधान सभेने भारताचे संविधान स्विकारले असे संस्थेचे सचिव सुनिल होन यांनी आपल्या भाषणात सांगितले.तसेच इयत्ता सातवी ची विद्यार्थीनी श्रावणी होन हिने संविधानाचे महत्त्व आपल्या भाषणात सांगितले. प्राचार्या ज्योती खरात यांनी देखील संविधान दिनाविषयी मत व्यक्त केले.या कार्यक्रमाचे सूत्रसंचालन पल्लवी होन यांनी केले तर सविता होन यांनी २६/११ च्या दहशतवादी हल्ल्याची माहिती सांगुन आभार व्यक्त केले. या कार्यक्रमासाठी संस्थेचे सचिव सुनिल होन, संचालक सागर होन , प्राचार्या ज्योती खरात,अश्विनी होन,पल्लवी होन, स्वाती वक्ते,सविता होन, शोभा चंदनशिव, स्नेहल होन, मीनल बोरावके, शितल होन, मुक्ता तुवर, प्रिती शिंदे,शिवाजी जाधव, वाल्मिक होन, सादिक सय्यद इ. शिक्षक व शिक्षकेत्तर कर्मचारी उपस्थित होते.
