जेऊर कुंभारी वार्ताहर
कोपरगाव तालुक्यातील जोगेश्वरी इंटरनॅशनल स्कूल मध्ये श्री कृष्ण जन्माष्टमीच्या शुभ मुहूर्तावर दहीहंडीचा कार्यक्रम उत्साहात पार पडला. मुले व मुली श्रीकृष्ण व गोपिकांच्या वेशभूषेत शाळेत आली होती. कोणी राधा होते तर कोणी श्रीकृष्ण.
सजलेल्या दहीहंडीमध्ये लाया ,दही व चॉकलेट भरण्यात आले होते.दोन थराच्या या दहीहंडीचा विद्यार्थ्यांनी आनंद लुटला. अवधूत पवार आणि देवांश गुरसळ यांनी श्रीकृष्णाच्या पेहरावात दहीहंडी फोडली. सर्व विद्यार्थ्यांनी फोडलेल्या दहीहंडीतून पडलेला प्रसाद व खापराचे तुकडे गोळा करण्याची मजा घेतली. याप्रसंगी श्रीकृष्ण जन्म कथा ऐकविण्यात आली. तसेच दहीहंडी, संबंधित गाण्यावर मुलांनी ठेका धरला. यावेळी श्रीकृष्णाच्या मूर्तीची पूजा करून आरती श्री. सागर होन व सौ.पल्लवी होन यांच्या हस्ते करण्यात आली.
या कार्यक्रमाला संस्थेचे अध्यक्ष श्री. भास्करराव होन तसेच सचिव श्री. सुनील होन , संचालक श्री. सागर होन तसेच सर्व शिक्षक व शिक्षककेत्तर कर्मचाऱ्यांनी कार्यक्रम यशस्वी होण्यासाठी अथक परिश्रम घेतले. तसेच एल. केजी. व युकेजी .चे सर्व विद्यार्थी श्रीकृष्ण व राधा तसेच गोपिकांच्या वेशभूषेत आले होते.
इयत्ता पाचवी ते सातवीच्या मुलांनी मनोरा रचून दहीहंडी फोडली. कार्यक्रमाचे आयोजन सौ. पल्लवी होन व सौ. स्नेहल होन यांनी केले. तसेच यावेळी प्राचार्या सौ.ज्योती खरात ,सौ.स्वाती होन ,सौ.सविता होन सौ. श्रद्धा पवार ,सौ.शोभा चंदनशिव, सौ. मुक्ता तुवर ,सौ.प्रीती शिंदे, बाळासाहेब होन वाल्मीक होन, शिवाजी जाधव ,सय्यद सादीक आदींनी अथक परिश्रम घेतले.
