जेऊर कुंभारी वार्ताहर
राजपूत (कऱ्हेकर) समाजाचे दैवत वीर महाराणा प्रताप यांचे स्मारक उभारण्यात यावे या आ.आशुतोष काळे यांच्या मागणीला राज्याचे उपमुख्यमंत्री अजित पवार यांनी मान्यता दिली असून लवकरच वीर महाराणा प्रताप यांचे स्मारक उभारण्यात येणार आहे. ही अभिमानस्पद बाब असल्याचे जेऊर कुंभारी येथील गौतम बँकेचे व्हा.चेअरमन,राष्ट्रवादी काँग्रेसच्या जिल्हा संघटक, धोंडीराम वक्ते यांनी प्रतिपादन करून आ.काळे व अजितदादा पवार यांचे आभार मानले आहे.
महाराष्ट राज्याचे लाडके उपमुख्यमंत्री अजितदादा पवार यांनी काल दि.१० ऑगस्ट रोजी कोपरगाव येथील डॉ. बाबासाहेब आंबेडकर मैदानावर राष्ट्रवादी काँग्रेस पक्षाच्या जनसन्मान यात्रेत महिला मेळाव्यात महिला भगिनींशी संवाद साधला. याप्रसंगी त्यांनी राजपूत (कऱ्हेकर) समाजाचे दैवत वीर महाराणा प्रताप यांचे स्मारक लवकरात लवकर उभारण्यात येईल अशी घोषणा केली. महाराणा प्रताप यांचे स्मारक व्हावे यासाठी आ.आशुतोष काळे प्रयत्नशील होते.
महाराणा प्रताप यांचे स्मारक उभारणे हे सकल (कऱ्हेकर) समाज्यासाठी अभिमानाची बाब आहे. महाराणा प्रताप यांचा इतिहास मोठा आहे. कोपरगाव तालुक्यात जेऊर कुभांरी, डाऊच, चांदेकसारे, घारी, पानमळा, आनंदवाडी, पोहेगाव, मुर्शतपुर, हिंगणी, कोकमठाण या गावांमध्ये महाराणा प्रताप यांची जयंती मोठ्या उत्साहात साजरी केली जाते. कोपरगाव तालुक्यात महाराणा प्रताप यांचे स्मारक उभारले गेले तर सकल (कऱ्हेकर) समाज आमदार आशुतोष काळे व महाराष्ट्र राज्याचे उपमुख्यमंत्री आजितदादा पवार यांचे ऋणी राहतील.
