जेऊर कुंभारी वार्ताहर
कोपरगाव तालुक्यातील जिल्हा परिषद प्राथमिक शाळा हॅरिसन ब्रॅंच या शाळेत आषाढी एकादशी निमित्ताने बालगोपाळांची दिंडी काढण्यात आली होती. यावेळी दिंडीत विद्यार्थी विठ्ठल-रुखमाई तसेच वारकऱ्यांच्या पोशाखात मोठ्या आनंदाने सहभागी झाले होते. विठुरायाचा जयघोष करत सर्व बाल वारकरी दिंडीमध्ये टाळ मृदंगाचा गजर करत तसेच फुगडी खेळत वातावरण भक्तीमय असे केले होते. यावेळी पालकांनीही फुगडी खेळत उत्स्फूर्त असा सहभाग दिंडीत घेतला होता.
प्रत्यक्ष बाल विठ्ठल- रुखमाई व बाल वारकरी यांनी तुळशीच्या रोपाचे वृक्षारोपण करून एक प्रकारे वृक्षारोपण व प्रदुषण कमी करण्याचा संदेश या दिंडीतून देण्यात आला आहे.
सदर प्रसंगी शाळेच्या मुख्याध्यापिका रंजना डोंगरे,शिक्षक नवनाथ सूर्यवंशी यांनी दिंडीच्या आयोजनासाठी मेहनत घेतली. यावेळी अंगणवाडी ताई तारा वक्ते यांनी सर्व विद्यार्थ्याना खाऊ वाटप केले.अंगणवाडी मदतनीस कमल नळे,स्वयंपाकी रंजना दळवी, शिक्षण प्रेमी नागरिक चांगदेव वक्ते सर, अलका सोनवणे, वंदना माळी, मोठ्या प्रमाणावर माजी विद्यार्थी व ग्रामस्थ उपस्थित होते,
