जेऊर कुंभारी वार्ताहर
देवशयनी आषाढी एकादशीनिमित्त अवघ्या महाराष्ट्रात विठू नामाचा गजर होत असताना जोगेश्वरी इंटरनॅशनल स्कूल च्या प्रांगणात विद्यार्थ्यांनी देखील विठू नामाचा जयघोष करत भक्तीपूर्ण वातावरणात बालदिंडी काढण्यात आली. मुलींनी साड्या परिधान करून डोक्यावर कळस व तुळस घेऊन बाल दिंडीत सहभाग घेतला. मुलांनी पारंपारिक वेशभूषा परिधान करून टाळाच्या गजरात जय हरी विठ्ठल नामाचा जयघोष केला. प्रायमरी विभागातील इयत्ता दुसरीचा विद्यार्थी संतोष गंगावणे याने विठ्ठलाचा व इयत्ता दुसरी तील विद्यार्थीनी श्रेया जगताप हिने रुक्मिणीचा सुंदर असा वेश धारण केला तर प्रि.प्रायमरी विभागातील यु के जी चा विद्यार्थी शिवांश होन याने विठ्ठलाचा आणि प्रांजल खरात हिने रुक्मिणी चा वेश धारण करून या छोट्या श्या विठ्ठल- रुक्मिणी ने सर्वांचे लक्ष वेधून घेतले.यानंतर श्री.व सौ.विरेश वक्ते आणि संस्थेचे संचालक सागर होन आणि सौ. पल्लवी होन यांच्या हस्ते विठ्ठल- रुक्मिणी ची आरती घेण्यात आली. यानंतर विद्यार्थ्यांनी विठ्ठल रुक्मिणी च्या विविध गाण्यांवरती नृत्य सादर केले ,यानंतर बालगोपाळांचा मनोवेधक रिंगण सोहळा पार पडला. यावेळी मुलींनी फुगडी घालून विठुरायाला नमन केले.हातात भगवे झेंडे, तुळशी वृंदावन, कलश घेऊन मिरवणारे छोटे वारकरी पाहून पालकांना आनंद झाला.यानंतर सर्व विद्यार्थ्यांना व उपस्थित पालकांना संस्थेच्या वतीने फराळाचे वाटप करण्यात आले.
या कार्यक्रमाचे सुत्रसंचालन सौ. सविता होन यांनी केले तर आभार प्रदर्शन सौ. श्रध्दा होन यांनी मानले.
याप्रसंगी संस्थेचे सचिव सुनिल होन संचालक सागर होन व सौ .पल्लवी होन ,प्राचार्या सौ.ज्योती खरात तसेच सौ. स्वाती होन,सौ.शोभा चंदनशिव,सौ.स्नेहल होन, श्री. विलास चव्हाण व शिक्षकेत्तर कर्मचारी वाल्मिक होन,बाळासाहेब होन,शिवाजी जाधव,मुक्ता तुवर,व प्रिती शिंदे व पालक उपस्थित होते.यावेळी कार्यक्रमाच्या यशस्वीतेसाठी सर्व शिक्षक व विद्यार्थी यांनी परिश्रम घेतले.
