जेऊर कुंभारी वार्ताहर
शेती ही पावसाच्या लहरीवर अवलंबून आहे. पाऊस मोठ्या प्रमाणात झाला तरच शेतकऱ्यांना शेती चांगली करता येते. त्यामुळे ग्रामीण भागातील तरूणांनी शेती व्यवसायावर अवलंबून न राहता उद्योग व्यवसायात पदार्पण करावे, चांगल्या प्रकारचे शिक्षण घेऊन आपले व गावाचे नाव उज्ज्वल करावे, मुलांमध्ये जिद्द व चिकाटी असेल तर हमखास यश मिळू शकते असे प्रतिपादन महर्षी शंकरराव कोल्हे साखर कारखान्यांचे संचालक मधुकर वक्ते यांनी केले.
माजी सभापती शिवाजीराव वक्ते यांचा मुलगा सागर वक्ते याने टेक डेटा एडवान्स प्रा.लि.या आंतरराष्ट्रीय कंपनीच्या पुणे विभागात कार्यरत आहे. त्यांची सन २०२३-२०२४ या वर्षात उत्कृष्ट कामगार म्हणून निवड करण्यात आली असून दि.२७ मार्च रोजी फुकेट, थायलंड येथे पुरस्कार प्रदान करण्यात येणार आहे. त्यानिमित्त त्यांचा सत्कार करण्यात आला याप्रसंगी वक्ते यांनी उपस्थितांना मार्गदर्शन केले.
कार्यक्रमास माजी सभापती शिवाजीराव वक्ते
संचालक मधुकर तुळशीदास वक्ते, मा.सरपंच रमेश वक्ते आदी उपस्थित होते.
