जेऊर कुंभारी वार्ताहर
छत्रपती शिवाजी महाराज यांची जयंती गिरमेवस्ती शाळेत मोठ्या उत्साहात साजरी करण्यात आली.विद्यार्थ्यांनी शिवरायांविषयी भाषणे केली. शिवरायांवर आधारित गीतांवर नृत्य सादर केले. विद्यार्थ्यांनी शिवराय,जिजामाता, मावळे अशी वेशभूषा करून वातावरण शिवमय झाले होते.
अनुज ढुमणे सरांनी फलकावर साकारलेले शिवरायांचे चित्र कार्यक्रमाचे प्रमुख आकर्षण ठरले. सुदाम साळुंके सरांनी आपल्या मनोगतातून शिवरायांच्या जीवनाविषयी माहिती सांगितली. मुख्याध्यापिका प्रियंका जोशी यांनी मनोगत व्यक्त करून आभार मानले.
यावेळी अंगणवाडी सेविका सिंधुताई वक्ते, शा.पो.आ कर्मचारी सुलोचना वक्ते, सुमन होन, पालक,ग्रामस्थ, विद्यार्थी व शिक्षक उपस्थित होते.
