जेऊर कुंभारी वार्ताहर
कोपरगाव तालुक्यातील जेऊर कुंभारी गावातील गावठाण शाळेत आज दिनांक ६ डिसेंबर रोजी भारतरत्न डॉ बाबासाहेब आंबेडकर यांना ६७व्या महापरिनिर्वाण दिना निमित्तानं अभिवादन करण्यात आले.
या प्रसंगी भारतरत्न डॉ बाबासाहेब आंबेडकर यांच्या प्रतिमेचे पुजन गौतम बँकेचे संचालक बापुराव वक्ते यांचे हस्ते करण्यात आले.
सदर प्रसंगी बोलताना बापुराव वक्ते यांनी डॉ. बाबासाहेब आंबेडकर यांचे शैक्षणिक, सामाजिक, धार्मिक व राजकीय क्षेत्रातील योगदानाबद्दल सविस्तर माहिती दिली तसेच
डॉ.बाबासाहेब आंबेडकर यांनी दिलेल्या राज्यघटनेमुळे भारताने जगाला आदर्शवत ठरेल अशी लोकशाही प्रस्थापित केलेली आहे. त्यांनी दिलेल्या सर्वसमावेशक संविधानामुळेच दीन-दलित, कष्टकरी, शोषित, वंचित समाजाला स्वाभिमानाने जगण्याचा हक्क मिळाला असे सांगितले.
कार्यक्रम प्रसंगिक गौतम बँकेचे संचालक बापूराव वक्ते ,कल्याण गुरसळ, महेंद्र वक्ते ,किरण पाटीलबा वक्ते, ग्रामपंचायत सदस्य किशोर वक्ते,ताराचंद्र लकारे,
शाळा व्यवस्थापन अध्यक्ष कैलास खटाणे ,संतोष वक्ते ,शिवाजी वक्ते , कविताताई लिंभूरे व शाळेतील शा . पो . आ . मदतनीस सौ मंदाताई परसैय्या ; शाळेतील उपाध्यापिका सौ वंदना पर्वत मॅडम ; शाळेचे मुख्याध्यापक रमेश गुरसळ उपस्थित होते.सुत्रसंचालन महेंद्र वक्ते यांनी केले व आभार शाळेचे मुख्याध्यापक रमेश गुरसळ यांनी मानले.
