जेऊर कुंभारी वार्ताहर
जोगेश्वरी इंटरनॅशल स्कूल मध्ये संविधान दिन उत्साहात साजरा करण्यात आला
शाळेत संविधान दिनी बाबासाहेब आंबेडकर यांच्या प्रतिमेचे पूजन करून साजरा करण्यात आला. विद्यार्थ्यांचे सामूहीक व वैयक्तिक संविधानातील उद्देशिकेचे वाचन करुन घेण्यात आले.तसेच २६/११ च्या हल्ल्यातील शहीद पोलिसांना व जवानांना श्रद्धांजली वाहण्यात आली.
भारतीय संविधानाचे शिल्पकार डॉ.बाबासाहेब आंबेडकर यांच्या प्रतिमेचे पूजन शाळेचे सचिव सुनील होन संचालक सागर होन यांच्या हस्ते करण्यात आले.याप्रसंगी बालसभेचे आयोजन करण्यात आले होते. तसेच व्यवस्थापन सुनील होन यांनी विद्यार्थ्यांना संविधान दिन साजरा करण्याचा उद्देश व महत्व स्पष्ट करताना “आपल्या देशाच्या राज्यकारभारासाठी संविधान निर्माण करण्यात आले आहे. राज्यकारभार करताना लोकप्रतिनिधी संविधानातील नियमांचा आधार घेतात. त्यामुळे कोणावरही अन्याय होत नाही. संविधानात नागरिकांचे हक्क व कर्तव्येही सांगितली असल्याने नागरिकांनाही संविधानाचा उपयोग होतो.आपल्या देशाच्या राज्यकारभारासाठी लिखित संविधान तयार करण्यासाठी संविधान सभेची स्थापना करण्यात आली. डॉ. राजेंद्र प्रसाद हे या सभेचे अध्यक्ष होते. संविधानातील नियमांचा मसुदा तयार करण्यासाठी नेमण्यात आलेल्या मसुदा समितीचे अध्यक्ष डॉ. बाबासाहेब आंबेडकर हे होते. या मसुदा समितीने संविधानाला अंतिम रूप दिल्यावर २६ नोव्हेंबर १९४९ रोजी संविधान सभेने भारताचे संविधान स्वीकारले” याबाबत सविस्तर माहिती सांगितली. व्यवस्थापक श्री सागर होन यांनी
डॉ. बाबासाहेब आंबेडकर यांच्या जीवनचरित्राविषयी माहिती दिली. सदर प्रसंगी प्राचार्या सौ ज्योती खरात, सौ स्वाती वक्ते सौ सविता होन सौ श्रध्दा पवार, संचालिका सौ अश्विनी होन संचालिका सौ पल्लवी होन तसेच शिक्षकेत्तर कर्मचारी सौ ताते सौ तुवर वाल्मिक होन बाळसाहेब होन शिवाजी जाधव आदी
उपस्थित होते.
