कोपरगाव प्रतिनिधी
नुकत्याच पार पडलेल्या १७ ग्रामपंचायतीच्या निवडणुकीत पहिल्या टप्यातील ग्रामपंचायतीच्या उपसरपंचांच्या निवडी पार पडल्या असून कोपरगाव मतदार संघातील सुरेगाव, वारी,घोयेगाव व धनगरवाडीच्या उपसरपंचपदी काळे गटाचे उमेदवार बिनविरोध निवडून आले आहे.
नोव्हेंबर महिन्याच्या पहिल्या आठवड्यात कोपरगाव मतदार संघातील पार पडलेल्या एकूण १७ ग्रामपंचायतीच्या निवडणुकीत काळे गटाने मोठे यश मिळविले आहे. या ग्रामपंचायतीच्या पहिल्या टप्यातील उपसरपंचांच्या निवडी मध्ये लोकनियुक्त सरपंच यांच्या अध्यक्षतेखाली पार पडलेल्या सुरेगाव, वारी, घोयेगाव व धनगरवाडी या ग्रामपंचायतीच्या उपसरपंच पदासाठी काळे गटाच्या उमेदवारांचा एकमेव अर्ज आल्यामुळे या चारही ग्रामपंचायतीच्या उपसरपंचपदी काळे गटाचे उमेदवार बिनविरोध निवडून आले आहे.यामध्ये सुरेगाव ग्रामपंचायतीच्या उपसरपंचपदासाठी सौ.सिमा दिपक कदम, वारी ग्रामपंचायतीच्या उपसरपंचपदासाठी विजय कचरू गायकवाड, घोयेगाव ग्रामपंचायतीच्या उपसरपंचपदासाठी कडू पोपट गायकवाड व धनगरवाडी ग्रामपंचायतीच्या उपसरपंचपदासाठी काळे-विखे गटाचे साहेबराव रामभाऊ आदमाने यांचा एकमेव अर्ज आल्याने निवडणूक निरीक्षकांनी या उमेदवारांची बिनविरोध निवड झाल्याचे जाहीर केले. उपसरपंचांच्या निवडीसाठी निवडणूक निरीक्षक म्हणून सुरेगाव येथे महाराष्ट्र जीवन प्राधिकरणचे प्रशांत कदम, वारी येथे भूमिलेख उपाधिक्षक संजय भास्कर, घोयेगाव येथे सार्वजनिक बांधकाम विभागाचे रविंद्र चौधरी व धनगरवाडी येथे भूमिलेख अधिकारी योगेश थोरात यांनी काम पहिले. त्यांना ग्रामविकास अधिकारी दिगंबर बनकर (सुरेगाव), दिलीप वारकर (वारी), सुधाकर पगारे (घोयेगाव) व सौ. प्रियंका शिंदे (धनगरवाडी) यांनी निवडणूककामी सहकार्य केले.सर्व नवनिर्वाचित उपसरपंचांचे माजी आमदार अशोकराव काळे, आ. आशुतोष काळे यांनी अभिनंदन करून भावी वाटचालीस शुभेच्छा दिल्या आहेत. कोपरगाव मतदार संघाचा सर्वांगीण विकास करण्याचे ध्येय डोळ्यासमोर ठेवून आ. आशुतोष काळे यांनी चार वर्षात मतदार संघाचा साधलेला विकास आदर्शवत आहे. हाच आदर्श डोळ्यासमोर ठेवून सरपंच व सर्व सहकारी सदस्यांना विकास प्रक्रियेत सहभागी करून घेवून गावचा विकास करू व दिलेली जबाबदारी समर्थपणे सांभाळून टाकलेला विश्वास सार्थ ठरवू अशी ग्वाही सर्व नवनिर्वाचित उपसरपंचांनी दिली आहे.यावेळी सर्व नवनिर्वाचित उपसरपंचांचे उपस्थित सरपंच, सदस्य व कार्यकर्त्यांनी अभिनंदन करून शुभेच्छा दिल्या.
