कोपरगाव प्रतिनिधी
जिल्हा शिक्षण व प्रशिक्षण संस्था संगमनेर जि.अहमदनगर यांचेद्वारे आयोजित जिल्हास्तरीय कलाउत्सव नुकताच श्री.दादासाहेब हरिभाऊ घाडगे पाटील माध्यमिक व उच्च माध्यमिक विद्यालय मुकिंदपूर ता. नेवासा येथे उत्साहात पार पडला.यामध्ये एकूण सहा कला प्रकारांत विद्यार्थ्यांनी सादरीकरण केले. यामध्ये पारंपारिक गायनात ओंकार आप्पासाहेब रक्टाटे,ऋषिकेश उदय मोरे, आप्पासाहेब रामेश्वर येळे या विद्यार्थ्यांनी प्रथम तीन क्रमांक पटकावले. तर शास्त्रीय गायनात गौरव विजय भुकन, गणेश रोहिदास औताडे यांनी सुयश संपादन केले. तालवाद्य वादनामध्ये प्रसाद प्रकाश तरवडे, गजानन रामेश्वर जाधव, विशाल संतोष थोरात, गौरव राजेश जाधव हे विद्यार्थी अव्वला आले.द्विमितीय चित्रांमध्ये प्रतिभा संतोष सोनवणे तर त्रिमितीय चित्रांमध्ये विनोद विलास इरले या विद्यार्थ्यांनी यश मिळवले.प्रथम क्रमांक प्राप्त विद्यार्थ्यांची निवड पुणे येथे होणाऱ्या राज्यस्तरीय कला उत्सव स्पर्धेसाठी निवड झाली आहे.विजेत्या विद्यार्थ्यांना अधिव्याख्याता डॉ.गणेश मोरे, गटशिक्षणाधिकारी शिवाजीराव कराड,प्राचार्य सोपानराव काळे,प्राचार्य सचिन कर्डिले, पर्यवेक्षक संजयसिंग चव्हाण सर,विभागप्रमुख नामदेव ताके यांच्या शुभहस्ते पारितोषिक देऊन गौरविण्यात आले.या उत्सवासाठी परीक्षक म्हणून गजानन पद्माकर राजहंस, डॉ. राजेंद्र अशोक गवळी, कृष्णा सिताराम राबडे,अतुल शंकर पटारे या गुरुजनांनी काम पाहिले.उपप्राचार्य अरविंद देशमुख यांनी सूत्रसंचालन केले. स्पर्धा संयोजक म्हणून अधिव्याख्याता डाॕ.गणेश मोरे मुकुंद दहिफळे, विषयतज्ञ्ज्ञ शमी शेख, महादेव घोडके,सोपान दारकुंडे यांनी काम पाहिले. यशस्वी विद्यार्थ्यांचे जिल्हा शिक्षण व प्रशिक्षण संस्थेचे प्राचार्य लक्ष्मण सुपे साहेब, प्राथमिक शिक्षणाधिकारी भास्कर पाटील साहेब, माध्यमिक शिक्षणाधिकारी अशोक कडूस साहेब, जेष्ठ अधिव्याख्याता अरुण भांगरे साहेब,त्रिमूर्ती पावन प्रतिष्ठानचे संस्थापक साहेबराव घाडगे पाटील,सचिव मनिष घाडगे पाटील अधिव्याख्याता कैलास सदगीर साहेब,रामेश्वर लोटके साहेब,ज्योती निंबाळकर मॅडम यांनी अभिनंदन केले आहे.
