कोपरगाव प्रतिनिधीश्री. क्षेत्र खेडले झुंगे येथील ब्रम्हलीन परम पूज्य गुरुवर्य तुकारामबाबा यांच्या प्रेरणेतून कर्मवीर शंकररावजी काळे साहेब यांनी कारखाना कार्यस्थळावर सुरु केलेली अखंड हरीनाम सप्ताहाची धार्मिक परंपरा माजी आमदार अशोकराव काळे व कर्मवीर शंकरराव काळे सहकारी साखर कारखान्याचे चेअरमन आमदार आशुतोष काळे यांनी आजतागायत सुरु ठेवली आहे. याहीवर्षी गौतम बँकेच्या माजी संचालिका सौ.पुष्पाताई काळे यांच्या मार्गदर्शनाखाली कर्मवीर शंकरराव काळे सहकारी साखर कारखाना व कोसाका सांस्कृतिक, शैक्षणिक मंडळ यांच्या संयुक्त विद्यमाने कारखाना कार्यस्थळावर श्री. संत शिरोमणी नामदेव महाराज व श्री. संत शिरोमणी सावता महाराज यांच्या पुण्यतिथी उत्सवा निमित्त बुधवार दिनांक १२/७/२०२३ ते १९/०७/२०२३ पर्यंत ४८ वा अखंड हरीनाम सप्ताह व भव्य ग्रंथराज ज्ञानेश्वरी पारायण सोहळ्यास प्रारंभ झाला आहे. या सप्ताह कार्यकाळात रात्री ९ ते ११ या वेळेत नामांकित कीर्तनकारांच्या कीर्तनाचे आयोजन करण्यात आले आहे. यामध्ये बुधवार (दि.१२) रोजी ह.भ.प. बाळू महाराज वैजापूर, गुरुवार (१३) रोजी ह.भ.प. सुभाष महाराज जगताप पढेगाव, शुक्रवार (दि.१४) रोजी ह.भ.प. कुसुमताई तूरकणे पिंपळवाडी, शनिवार (दि. १५) रोजी ह.भ.प. टी.व्ही.स्टार विवेक महाराज केदार अकोले, रविवार (दि.१६) रोजी रोजी ह.भ.प. टी.व्ही.स्टार माधव महाराज पैठणकर, सोमवार (दि.१७) रोजी भागवताचार्य ह.भ.प. कविताताई साबळे सोनेवाडी, मंगळवार (दि. १८) रोजी रोजी ह.भ.प. मनसुख महाराज दहे डाऊच व बुधवार (दि.१९) रोजी सकाळी १० ते १२ या वेळेत ह.भ.प. वाल्मिक महाराज जाधव सटाणा यांच्या काल्याच्या कीर्तनाने सप्ताहाची सांगता होणार आहे. ज्ञानेश्वरी ग्रंथ पारायणासाठी महिला व पुरुष मोठ्या संख्येने बसले आहेत. सर्व भाविकांनी या भक्तीमय सोहळ्याचा आणि कीर्तनाचा लाभ घ्यावा असे आवाहन श्री भगवान विष्णु मंदिर कमिटी व अखंड हरिनाम सप्ताह समितीच्या वतीने करण्यात आले आहे.
