जेऊर कुंभारी वार्ताहर
दिनांक २८ मे रोजी शिर्डी – साकुरी येथील गोदावरी वसाहतीतील कांदा मार्केट मैदानावर पक्षाचे राष्ट्रिय अध्यक्ष तथा केंद्रीय समाज कल्याण न्याय राज्यमंत्री ना. रामदासजी आठवले यांच्या नेतृत्वाखाली आरपीआयचे राज्यस्तरीय अधिवेशन संपन्न होणार असून सदर अधिवेशनासाठी केंद्रीय गृहमंत्री अमितजी शहा,महाराष्ट्र राज्याचे मुख्यमंत्री एकनाथजी शिंदे साहेब,उपमुख्यमंत्री देवेंद्रजी फडणवीस साहेब,महसूल मंत्री तथा अहमदनगर जिल्ह्याचे पालकमंत्री ना.राधाकृष्ण विखे पाटील, भाजपाच्या प्रदेश सचिव सौ. स्नेहलताताई कोल्हे यांचेसह जिल्ह्यातील आजी माजी आमदार, खासदार यांचेसह पक्षाचे प्रमुख पदाधिकारी राज्यअध्यक्ष राजाभाऊ सरोदे, राष्ट्रिय सचिव अविनाशजी महातेकर, राज्य उपाध्यक्ष विजयराव वाकचौरे, बाळासाहेब गायकवाड, संपर्कप्रमुख श्रीकांत भालेराव, उत्तर महाराष्ट्र अध्यक्ष राजाभाऊ कापसे,उपाध्यक्ष अजय साळवे,ज्येष्ठ नेते राजाभाऊ गायकवाड आदी प्रमुख नेते उपस्थित राहणार असल्याची माहिती आर पी आय चे राज्य सचिव दिपकराव गायकवाड यांनी प्रसिद्धीस दिलेल्या पत्रकात दिली आहे. ते पुढे म्हणाले की सदर अधिवेशन यशस्वी करण्यासाठी विभागीय जिल्हाप्रमुख भीमा भाऊ बागुल, उत्तर जिल्हाध्यक्ष सुरेंद्र थोरात, युवक जिल्हाध्यक्ष पप्पू भाऊ बनसोडे, दक्षिण जिल्हाध्यक्ष सुनील साळवे,युवक जिल्हाध्यक्ष अमित काळे यांच्यासह संपूर्ण जिल्हा कार्यकारणी प्रयत्नशील असून जिल्हाध्यक्षांच्या प्रत्येक तालुक्यात यासंदर्भात नियोजन बैठका सुरू आहे. तरी या अधिवेशनासाठी राज्यातून आरपीआयचे व आठवले साहेबांना मानणारे अनेक कार्यकर्ते मोठ्या संख्येने उपस्थित राहणार असून नगर जिल्ह्यातूनही कार्यकर्त्यांनी हजारोंच्या संख्येने उपस्थित राहावे असे आवाहन आरपीआयचे राज्यसचिव दिपकराव गायकवाड यांनी केले आहे.
