जेऊर कुंभारी वार्ताहर
कोपरगाव तालुक्यातील जेऊरकुंभारी गावास ग्रामपंचायत निधीतून गटविकास अधिकारी यांचेकडून अंदाजे ८० हजार रुपयांची शवदानी देण्यात आली. त्याबद्दल आज दिनांक ८ मे रोजी पं.स.कार्यालयात ग्रामस्थांच्या वतीने त्यांचा सत्कार आयोजित करण्यात आला होता. याप्रसंगी माजी सभापती शिवाजीराव वक्ते, माजी संचालक मधुकर वक्ते, माजी सरपंच विठ्ठलराव आव्हाड, माजी सरपंच कैलासराव वक्ते, ग्रामपंचायत सदस्य यशवंतराव आव्हाड, प्रदीप गायकवाड, संजय वक्ते, बाळासाहेब पवार, तुषार गुरसळ, भाऊसाहेब वक्ते, करणा वक्ते, दत्तात्रे वक्ते
मधुकर वक्ते आदी उपस्थित होते. याप्रसंगी स्मशानभूमी परिसर सुशोभीत करण्यासाठी नरेगा योजनेअंतर्गत मोठ्या प्रमाणात वृक्षारोपण करण्यात आले आहे असे प्रतिपादन शिवजीराव वक्ते यांनी केले तसेच आगामी काळात गटविकास अधिकारी सचिन सूर्यवंशी यांनी गावासाठी नवनवीन योजना राबवण्यासाठी मार्गदर्शन करावे असे आवाहन केले. सुत्रसंचालन उपसरपंच ताराचंद लकारे यांनी तर आभार माजी संचालक मधुकर वक्ते यांनी मानले.
