कोपरगाव प्रतिनिधी
छत्रपती शाहू महाराज यांच्या पुण्यतिथीनिमित्त पानमळा शाळेत त्यांना विनम्र अभिवादन करण्यात आले. तसेच इयत्ता चौथीच्या विद्यार्थी व पालकांनी शाळेला डॉ बाबासाहेब आंबेडकर,माता जिजाऊ, पंडित जवाहरलाल नेहरू, राजर्षी शाहू महाराज, महात्मा ज्योतिबा फुले, सावित्रीबाई फुले, छत्रपती शिवाजी महाराज, महात्मा गांधी या राष्ट्रीय नेत्यांचे फोटो जिल्हा परिषद प्राथमिक शाळा पानमळा शाळेला भेट म्हणून दिले. याप्रसंगी रविंद्र होन,नानासाहेब खरात, युनुस हुसेन सय्यद, मन्सूर भाई शेख,तैय्यब शेख,अमोल खरात, नितीन आहेर, दिलीप सोनवणे, गणेश चव्हाण यांनी शाळेला राष्ट्रीय नेत्यांचे फोटो देऊन विशेष सहकार्य केले, त्याबद्दल शाळा व्यवस्थापन समिती अध्यक्ष बापू नन्नवरे व शाळेच्या मुख्याध्यापिका कुळधरण सुलोचना साहेबराव व गोर्डे ज्योती यांनी सर्व पालकांचे शाळेच्या वतीने आभार मानले.
