जेऊर कुंभारी वार्ताहर
कोपरगाव तालुक्यातील चांदेकसारे येथील प्रगतशील शेतकरी तसेच सामाजिक कार्यकर्ते किशोर होन यांना महिला आर्थिक विकास महामंडळ क्रांती लोकसंचलीत यांचा तहसीलदार विजय बोरुडे तसेच विस्तार अधिकारी तोरणे साहेब यांच्या उपस्थित प्रमाणपत्र व सन्मानचिन्ह देऊन गौरवण्यात आले.
महिला आर्थिक विकास महामंडळ (माविम) अहमदनगर अंतर्गत क्रांती लोकसंचालित साधन केंद्र, कोपरगांव समाजात स्त्रियांना समानतेने वागविणारे, महिलांना माणुस म्हणून अधिकार जपणे व महिला सक्षमीकरणाकरिता संवेदनशील, गावपातळीवरील महिलांच्या विकासासाठी पुढाकार घेत असलेल्या पुरुषांना ‘ सुधारक सन्मान’ प्रदान करण्यात आले. किशोर नानासाहेब होन ता.कोपरगांव यांना “सुधारक सन्मान” हे प्रमाणपत्र देऊन गौरविण्यात आले. किशोर होन यांच्या सामाजिक कार्याबाबत चांदेकसारे येथील जोगेश्वरी इंटरनॅशनल स्कूलचे सचिव सागर होन यांनी कौतुक केले व पुढील वाटचालीसाठी शुभेच्छा दिल्या.
