जेऊर कुंभारी वार्ताहर
(लेख)
सुमारे २०.२६ दिवसांपूर्वी मला एक अविस्मरणीय अनुभव घेता आला,तो म्हणजे शिर्डी जवळ कोपरगाव आहे त्या जवळच शहापूर गावांत तीन शाळांच्या स्नेहसंमेलनात प्रमुख पाहुणे म्हणून उपस्थित राहण्याचा योग आला.
तीन शाळ शहापूर ,पाचोरे मळा आणि गिरमे वस्ती.यांचे एकत्रित स्नेहसंमेलन अगदी धूमधडाक्यात साजरे झाले. सगळ्या गावचा उत्साह शिक्षकांची लगबग, मुलांची तयारी अगदी बघण्यासारखी होती.
तीन शाळांच्या जंगी कार्यक्रमासाठी तालुक्यातले सगळे शिक्षक एकत्र आले होते. सगळ्या शिक्षिकांना मला तिथे भेटता आले. त्यांच्याशी गप्पा मारून मला असं वाटलं की माझी जुनी ओळख आहे.
खरं तर माझ्या आभासी कार्यक्रमांमध्ये या शिक्षकां शी मी केव्हा तरी भेटले होते, बोलले होते, विद्यार्थ्यांशी सुद्धा गप्पा मारल्या होत्या पण एकूण ७२ कार्यक्रम मध्ये या प्रत्येकाचे चेहरे तर लक्षात राहणं अवघड होतं, पण या कार्यक्रमाच्या निमित्ताने या सगळ्यांना भेटून खूप छान वाटलं.
झेडपीच्या शिक्षिका म्हणजे मला विशेष वाटतात कारण इथल्या शाळा बहुतेक वेळेला एक शिक्षकी आणि दोन शिक्षकी असतात आणि खास करून शिक्षिका जेव्हा ती चालवतात तेव्हा त्यांची ती तारेवरची कसरत असते. कारण एक आपल घर सांभाळायचं आणि दुसरं म्हणजे शाळेतलं कुटुंब सांभाळायचं आणि लॉकडाऊन च्या काळात तरी या सगळ्यांनी किती मेहनत घेतली ते मी बघितलंय अनुभवलं आहे.
अगदी वस्ती वरती जाऊन त्यांनी मोबाईल द्वारे मुलांना zoom मीटिंगमध्ये कनेक्ट होण्यासाठी प्रयत्न केला आहे. आणि त्याशिवाय ही अनेक कष्ट उपसले आहेत.
त्यानंतर मला खास मानाचा तुरा बांधण्यात आला ही गोष्ट सुद्धा माझ्यासाठी विशेष होती. त्यानंतर मुलांच्या छोट्याशा लेझीम पथकाने मला व्यासपीठापर्यंत नेण्यात आलं, सरस्वती आणि पूजनीय सावित्रीबाई फुले यांच्या प्रतिमांचे पूजन करून उद्घाटन करण्यात आले.
याप्रसंगी श्री नितीन राव औताडे चेअरमन पोहेगाव नागरी पतसंस्था,गटशिक्षण अधिकारी कोपरगाव श्रीमती शबाना शेख मॅडम , इंजिनीयर महिला सरपंच माननीय सौ योगिता घारे, शहापूर गाव उपसरपंच माननीय श्री सागर घारे, विविध कार्यकारी सोसायटी शहापूरचे चेअरमन श्री राजेंद्र पाचोरे व्हा.चेअरमन श्री सुभाष सदाफळ,जेऊर कुंभारी गावच्या सरपंच सुवर्णा पवार, महर्षी शंकरराव कोल्हे कारखान्याचे संचालक बाळासाहेब वक्ते, संचालक सतिषराव आव्हाड,माजी सभापती पंचायत समिती शिवजी वक्ते जेऊर कुंभारी विविध कार्यकारी सोसायटीचे अध्यक्ष दादासाहेब चव्हाण, पोलिस पाटील बाळासाहेब गायकवाड शिवसुत्र युवा प्रतिष्ठाणचे संस्थापक सुधाकर वक्ते,
शालेय व्यवस्थापन अध्यक्ष बाळासाहेब सोळके,
नारायण गुरसळ, गौतम बाॅकचे संचालक बापुराव वक्ते, महेंद्र वक्ते, किशोर वक्ते, भानुदास वक्ते, कल्याणराव गुरसळ, संजय शांतीलाल वक्ते, धनश्री वक्ते, अनिता वक्ते,गंगुबाई जाधव, किरण वक्ते, नामदेव वक्ते, यशवंतराव आव्हाड, मधुकर वक्ते,
प्रदिप गायकवाड, सुनील वक्ते, किशोर गायकवाड, संजय वक्ते, राहुल वक्ते, राणा वक्ते,
हे सगळे मान्यवर उपस्थित होते.
सगळ्या गावकऱ्यांच्या प्रचंड उत्साहात आणि विद्यार्थ्यांच्या प्रचंड उल्हासात हा विविध गुण दर्शनाचा कार्यक्रम पार पडला.
मुलांनी वेगवेगळे प्रकारचे कार्यक्रम सादर केले. त्यामध्ये विविध नृत्य , भारूड, पोवाडा, नाटक , व्यसनमुक्ती वरती नाटक सुद्धा सादर केलं सगळ्यांचीच तयारी खूपच बघण्यासारखी होती याशिवाय व्यासपीठ, त्याचे आयोजन, प्रकाश योजना, तांत्रिक सहाय्य, ड्रेपरी, मेकअप हे सगळं अतिशय उल्लेखनीय होतं कौतुकास्पद होतं अत्याधुनिक होतं आणि मुलांनी आणि शिक्षकांनी केलेले निवेदन सुद्धा अतिशय सुंदर होतं आणि या सगळ्याला गावकऱ्यांची उल्लेखनीय साथ होती.
या मुलांनी रात्री बारापर्यंत विविध गुणदर्शन सादर केलं माझा तर तिथून पाय निघत नव्हता .
आणि या कार्यक्रमानंतर पाहुणे आणि शिक्षक यांच्यासाठी जो काही भरली वांगी आणि भाकरीचा बेत होता तो तर सुंदरच.
या कार्यक्रमाच्या मागचं जे काही नियोजन होतं ते मुख्य म्हणजे माननीय श्री ज्ञानेश्वर सेंदाणे सर, माननीय श्री. नवनाथ सूर्यवंशी सर आणि माननीय श्री सुदाम साळुंखे सर या तीनही शिक्षकांनी साकारलं होतं त्यांच्यामुळेच मी सुद्धा तिथे पोहोचले आणि मला प्रत्यक्ष विद्यार्थ्यांनी पालकांचे संवाद साधता आला आणि या तीनही शिक्षकांनी विद्यार्थ्यांना घडवण्यासाठी जी काही मेहनत घेतली होती मला दिसत होती. आणि या सगळ्याच मला खूप कौतुक वाटलं अशा रीतीने हा माझा कार्यक्रम अतिशय अविस्मरणीय झाला या सर्व आयोजकांना मनापासून धन्यवाद !!
