जेऊर कुंभारी वार्ताहर
दि. ११ एप्रिल रोजी कोपरगाव तालुक्यातील जेऊर
कुंभारी येथील स्वस्त धान्य दुकानात गुडीपाडवा व डॉ.बाबासाहेब आंबेडकर निमित्त एक किलो साखर एक किलो,रवा, एक किलो चनाडाळ, एक किलो पामतेल, या वस्तु फक्त १०० रुपयात देण्यात येत आहेत या वाटपाचा शुभारंभ माजी उपसरपंच यशवंत आव्हाड, ग्रामपंचायत सदस्य प्रदिप गायकवाड, सोपानराव वक्ते, नाना मोहीते, संपत गुरसळ, पांडुरंग वक्ते, संजय बोरावके, उमेश पगारे, चिमा वायकर, भागवत जमधडे, सुमित पगारे यांच्या उपस्थितीत झाला.
गुढीपाडवा आणि भारतरत्न डॉ. बाबासाहेब आंबेडकर जयंतीनिमित्त राज्यातील सुमारे १ कोटी ६३ लाख रेशनकार्डधारकांना केवळ १०० रुपयांत ‘आनंदाचा शिधा’ वाटप करण्याचा महत्त्वपूर्ण निर्णय मुख्यमंत्री एकनाथ शिंदे व उपमुख्यमंत्री देवेंद्र फडणवीस यांनी घेतला आहे.या योजनेअंतर्गत दारिद्र्य रेषेवरील केशरी शिधापत्रिकाधारकांना एक किलो रवा, एक किलो चना डाळ, एक किलो साखर आणि एक लिटर पामतेल मिळणार आहे. कोपरगाव तालुक्यात ४३ हजार ५५६ शिधापत्रिकाधारकांना हा ‘आनंदाचा शिधा’ वाटप करण्यात येणार आहे.
तरी सर्व लाभार्थ्यांनी याचा लाभ घ्यावा असे आवाहन स्वस्त धान्य दुकानचालक राजेंद्र होन,माजी उपसरपंच यशवंत आव्हाड, प्रदीप गायकवाड यांच्या वतीने करण्यात येत आहे.
