जेऊर कुंभारी वार्ताहर
माजी खासदार शंकररावजी काळे यांच्या पासून माजी आमदार अशोकराव काळे व विद्यमान आमदार आशुतोष काळे या तिसऱ्या पिढीपर्यंत सर्वांनीच नेहमी चांदेकसारे, सोनेवाडी, जेऊर कुंभारी आदी करून गावांना वेगवेगळ्या संस्थांमध्ये प्रतिनिधित्व देऊन झुकते माप देण्याचा प्रयत्न केला असल्याचे प्रतिपादन कर्मवीर शंकरराव काळे सहकारी साखर कारखान्याचे संचालक शंकरराव चव्हाण यांनी एका कार्यक्रमात व्यक्त केले.
नुकत्याच पार पडलेल्या गौतम सहकारी बँकेच्या संचालक पदाच्या निवडणुकीत सोनेवाडी येथून बापूराव जावळे व जेऊर कुंभारी येथून बापूराव वक्ते यांची संचालक पदी निवड झाल्याने व घारी येथील पत्रकार किसन पवार यांना पत्र महर्षी स्व. मोहनलालजी बियाणी विभागीय पुरस्कार महाराष्ट्र राज्याचे सहकार मंत्री अतुल सावे यांचे हस्ते छत्रपती संभाजी नगर येथे नुकताच प्रदान करण्यात आला त्याबद्दल या तिघांचा सत्कार चांदेकसारे येथील भूमिपुत्र रावसाहेब निळकंठ होन यांच्या मातोश्री या निवासस्थानी आयोजित करण्यात आला होता त्याप्रसंगी ते बोलत होते.
कार्यक्रमाच्या अध्यक्षस्थानी कर्मवीर शंकरराव काळे सहकारी साखर कारखान्याचे माजी कामगार संचालक नारायण होन हे होते.
चव्हाण पुढे म्हणाले की काळे कुटुंबीयांनी तरुण युवकांना राजकारणात संधी देऊन काम करण्यासाठी व्यासपीठ उपलब्ध करून दिले आहे त्याचा या नवनिर्वाचित संचालकांनी फायदा घेऊन संस्थेच्या हितासाठी जास्तीत जास्त योगदान द्यावे असे आवाहन केले व त्यांना सर्वांना पुढील वाटचालीसाठी शुभेच्छा दिल्या.
नारायण होन यांनी आपल्या अध्यक्षीय भाषणात सांगितले की आमदार अशुतोष काळे हे तरुणांनी समाजकार्यात अग्रेसर राहावे यासाठी नेहमी आग्रही असतात आणि त्यातूनच त्यांनी तरुणांना ही संधी उपलब्ध करून दिलेली आहे रावसाहेब होऊन यांचे वडील निळकंठ मनराज होऊन हे कर्मवीर शंकरराव काळे सहकारी साखर कारखान्यामध्ये आमच्या सोबत नोकरीच होते त्यांनी या नवनिर्वाचित सदस्यांचा व पत्रकारांचा केलेला हा सन्मान खरोखरच कौतुकास्पद आहे सर्वांना त्यांनी पुढील भावी वाटचालीसाठी हार्दिक शुभेच्छा दिल्या.
यावेळी चांदेकसारेचे उपसरपंच सचिन होन, निळकंठ होन तुळशीदास होन, विलास चव्हाण, राजेंद्र होन किरण होन, संजय लाला होन, सतीश खरात, कल्याण गुरसळ, कर्णा चव्हाण आदी सह मान्यवर उपस्थित होते.
बापूराव जावळे, बापूराव वक्ते, पत्रकार किसन पवार यांनी याप्रसंगी आपले मनोगत व्यक्त करून आपापल्या क्षेत्रामध्ये आपल्या झालेल्या निवडीला योग्य तो न्याय देऊन सर्व समाज घटकासाठी काम करण्याची ग्वाही दिली.
सचिन होन, राजेंद्र होन, किरण होन यांनी देखील यावेळी आपले मनोगत व्यक्त केले.
कार्यक्रमाचे सूत्रसंचालन किरण होन यांनी केले तर संजय लाला होन यांनी आभार मानले.
