कोपरगाव प्रतिनिधी
येसगाव येथे माजी मंत्री स्व.शंकररावजी कोल्हे साहेब यांच्या जयंतीनिमित्त अभिवादन कार्यक्रम संपन्न झाला.या कार्यक्रमास संजीवनी महिला स्वयंसहाय्यता बचत गटाच्या अध्यक्षा सौ.रेणुकाताई विवेकभैय्या कोल्हे या उपस्थित होत्या.
प्रमुख वक्ते म्हणून प्रा.पंडितराव भारुड व श्री.राजेंद्र पाटणकर सर यांनी उपस्थितां समवेत संवाद साधताना स्व.कोल्हे साहेबांच्या आठवणींना उजाळा दिला.येसगावचे सरपंच ते महाराष्ट्र राज्याचे मंत्री असा दैदिप्यमान प्रवास साहेबांचा होता.येसगावला राष्ट्रपतींच्या हस्ते पुरस्कार मिळणारे आदर्श गाव ही स्व.कोल्हे साहेब यांची कामाची पद्धत दाखवणारी अविस्मरणीय नोंद आहे. स्व.शंकररावजी कोल्हे साहेब यांनी रयत शिक्षण संस्थेच्या गावोगावी शाखा निर्माण होण्यासाठी मोठे योगदान दिलेले आहे.कर्मवीर भाऊराव पाटील यांच्या विचारांनी प्रेरित असणारे स्व.कोल्हे साहेब यांनी रयत शिक्षण संस्थेचे उपाध्यक्ष व अन्य महत्वपूर्ण जबाबदाऱ्या उल्लेखनीय निर्णय राबवत सांभाळल्या त्या माध्यमातून गोर गरिबांना कमी फी मध्ये दर्जेदार शिक्षण मिळावे यासाठी त्यांनी सातत्याने प्रयत्न केले.उच्चशिक्षणासाठी आपल्या ग्रामीण विद्यार्थ्यांना बाहेर जावे लागू नये म्हणून संजीवनी शिक्षण संस्थेच्या माध्यमातून कर्मवीर भाऊराव पाटील यांचा शैक्षणिक क्रांतीचा विचार सत्यात उतविणारे स्व.कोल्हे साहेब हे दूरदृष्टीकोण असणारे व्यक्तीमत्व होते.
या वेळी येसगाव येथील दिव्यांग बांधवांना किराणा किटचे वितरण करण्यात आले.दिव्यांग हा समाजाचा अविभाज्य घटक आहे त्यांना सहकार्य करणे हे आपले कर्तव्य आहे असे समजून कार्य करण्याची स्व.कोल्हे साहेब यांची शिकवण आहे.
या प्रसंगी मुख्याध्यापक श्री चंद्रकांत मोरे, सौ हेमलता गुंजाळ, श्री सचिनदादा कोल्हे, सुधाकर कुलकर्णी, पुंडलिक गांगुर्डे, संदीप गायकवाड, साहेबराव रोहम, किरण गायकवाड, अतुल सुरळकर, उत्तम पाईक, बाळासाहेब निकोले, गोरख आहेर, शिवाजीराव कोकाटे, सचिन गायकवाड, उमेश कोकाटे, गुलाब भाई तांबोळी, शंकरराव पाईक, बापूसाहेब सुरळकर, कपिल सुरळकर, अयोध्या झावरे, बंडूभाऊ आदमाने, रवींद्र सुरळकर, प्रदीप कोल्हे, संतोष दाणी व आदिनंसह विविध मान्यवर व ग्रामस्थ उपस्थीत होते
