कोपरगाव प्रतिनिधी
अहमदनगर जिल्ह्यामध्ये काँग्रेस पक्षाची ताकत वाढविण्यासाठी आणि काँग्रेसची ध्येय धोरणे समाजातील तळागाळापर्यंत पोहचविण्यासाठी विधिमंडळ पक्ष नेते आदरणीय आ. बाळासाहेब थोरात साहेबांच्या आदेशाने आणि अहमदनगर जिल्हा काँग्रेसचे जिल्हा अध्यक्ष मान.राजेंद्र नागवडे यांच्या सूचनेप्रमाणे कोपरगाव तालुका काँग्रेस कमिटीचे अध्यक्ष आकाश नागरे यांनी कोपरगाव तालुका काँग्रेस कमिटी अनुसूचित जाती विभागाचे अध्यक्ष पदी कोपरगाव तालुक्यातील ज्येष्ठ समाजसेवक यादवराव त्रिभुवन यांची निवड संगमनेर येथे आयोजित जिल्हा काँग्रेस कमिटीच्या सहविचार सभेत केली आहे. सोबत अनुसूचित जाती विभागाचे जिल्हा अध्यक्ष राजेंद्र वाघमारे ही उपस्थित होते. त्यांच्या या निवडीबद्दल माजी महसूल मंत्री बाळासाहेब थोरात, जिल्हा अध्यक्ष राजेंद्र नागवडे, तालुका अध्यक्ष आकाश नागरे, किसान काँग्रेस विभागाचे तालुकाध्यक्ष विष्णु पाडेकर, महिला काँगेस अ.जा. विभागाच्या जिल्हा अध्यक्ष सविता विधाते, कोपरगाव तालुका सरचिटणीस रवींद्र साबळे, राहुल गवळी, रौनक अजमेरे, विजय मोरे, आदींनी त्यांचे अभिनंदन करून शुभेच्छा दिल्या आहे. काँग्रेस पक्ष वाढीसाठी खेड्यापाड्यात जाऊन काम करणार असल्याचे यादवराव त्रिभुवन यांनी सांगितले.
