जेऊर कुंभारी वार्ताहर
जेऊर कुंभारी हद्दीतील समृद्धी महामार्गाच्या बाजूला असणाऱ्या भोंगळे वस्ती ते हरिसन ब्रँचचारी या रस्त्याची अवस्था अतिशय बिकट झाली आहे या रस्त्यावरून दिनांक ७ मार्च रोजी सकाळी शाळकरी मुलांना घेऊन जाणारी बस मोठ्या खड्ड्यात फसल्याने विद्यार्थी व कर्मचारी यांना शारीरिक व मासिक त्रास सहन करावा लागला व मुले शाळेत उशिरा पोहोचल्याने मुलांचे शैक्षणिक नुकसान झाले ही बाब ग्रामपंचायत सदस्य प्रदिप गायकवाड यांनी सरपंच सुवर्णा पवार यांना भ्रमणध्वनी वरून कळवले तातडीने सरपंच सुवर्णा पवार व ग्रामस्थ घटनास्थळी दाखल झाले ही सर्व परिस्थिती पाहून सरपंच सुवर्णा पवार यांनी समृद्धी महामार्गाच्या अधिकाऱ्यांना घटनास्थळी बोलावून घेतले व आपल्या समृद्धी महामार्गाच्या कामामुळे परिसरातील रस्त्याची दयनीय अवस्था झाली असून रस्त्यांना मोठे खड्डे पडले आहे त्यामुळे वाहतुकीस अडथळा निर्माण होत आहे शाळेच्या बस,सायकलवर शाळेत जाणारे विद्यार्थी तसेच शेतकरी यांना त्रास सहन करावा लागतो वेळोवेळी तोंडी कल्पना देऊन, प्रत्यक्षात परिस्थिती दाखवून ही आपण याकडे काना डोळा केला आहे आपणास वेळोवेळी निवेदन देऊनही कायमस्वरूपी रस्त्यांचे प्रश्न सुटलेले नाही, असेच खडे बोल सरपंच सुवर्णा पवार यांनी सुनावले यानंतर समृद्धी महामार्गाच्या अधिकाऱ्यांनी लवकरात लवकर भोंगळेवस्ती ते चॅनल नंबर ५२१,६५०, ते ५२११ ते ८१० पर्यंत रस्ता दुरुस्त करून देतो असे पुन्हा एकदा आश्वासनच दिले.
यावेळी सरपंच सुवर्णा पवार, संजय वक्ते ,आप्पासाहेब वक्ते, संदेश भोंगळे,
धनंजय रोहम, यशवंत आव्हाड,प्रदीप गायकवाड,भगिरथ वक्ते,
संतोष जाधव, सतिष पवार उपस्थित होते.
