कोपरगाव प्रतिनिधी
कोपरगाव तालुक्यातील
जिल्हा परिषद प्राथमिक शाळा शहापूर येथे जागतिक महिला दिन मोठ्या उत्साहामध्ये साजरा करण्यात आला. गावच्या प्रथम नागरिक योगिताताई घारे या कार्यक्रमास उपस्थित होत्या.कार्यक्रमाचे प्रास्ताविक दिघे नंदू यांनी केले.त्यांनी महिलांना शुभेच्छा देऊन सर्व माता पालकांनी निपुण भारत कार्यक्रमांतर्गत सर्व विद्यार्थ्यांना गुणवत्ता पूर्ण शिक्षण देण्यासाठी पुढारकार घेतला पाहिजे.तसेच यानंतर महिलांनी आपले मनोगत व्यक्त केले.सौ रोहिणी घारे यांनी महिलांना शुभेच्छा दिल्या.सौ.कविता घारे यांनी महिलांना सक्षम होण्यासाठी आवाहन केले.श्रीम.लहानबाई गोर्डे आपल्या मनोगतात म्हटल्या की आपण सर्व महिलांनी मुलांना संस्काराची जाणीव करून द्यायला हवी.नंतर मुख्याध्यापक सैंदाणे ज्ञानेश्वर यांनी महिला सर्व क्षेत्रात पुढे जातील तर नक्कीच देशापासून गावाची प्रगती होईल असे मनोगत व्यक्त केले.आपल्या गावाच्या प्रथम नागरिक योगिता घारे सरपंच आहे हाच महिला दिनाचा सन्मान आहे.महिलांनी गावचा कारभार करणे हे आपल्या सर्वांसाठी महिला सबल झाल्याचे दिसून येत आहे.असे महिलांनी पुढारकार घेऊन आपण विद्यार्थ्यना गुणवत्ता पूर्ण शिक्षण देऊ शकतो.आपल्या अध्यक्षीय भाषणात सरपंच ताई योगिता घारे म्हटल्या की महिलांनी कुठलीही समस्या असेल तर मला नक्की संपर्क करा मी त्यांची समस्या प्रथम सोडविल.गावच्या गुणवत्तापूर्ण कारभारात सर्व महिलांनी सहभागी व्हा. गावाला ,शाळेला पुढे घेऊन जाण्याची जबाबदारी सर्व महिलांची आहे.यानंतर सर्व महिलांचा शाळेच्या वतीने गुलाब पुष्प देऊन सत्कार करण्यात आला.या प्रसंगी गावच्या प्रथम नागरिक योगिता घारे,ग्रामपंचायत सदस्य सौ.निर्मला घारे,ग्रामचायत सदस्य सौ.कविता घारे,श्रीम.मंदाबाई गायकवाड,सौ. उषाताई घारे,सौ.मिना खंडिझोड, सौ.आरती खंडिझोड, सौ.भारती खंडिझोड, सौ.रोहिणी घारे,सौ.शितल दुधाट,सौ.सविता खंडिझोड, सौ.सुरेखा गायकवाड,या कार्यक्रमास अंगणवाडी सेविका सौ.अलका पाचोरे ,सौ कविता घारे मदतनीस सौ.लहानबाई गोर्डे यांनी नाष्टा देऊन महिलांचा सन्मान केला.तसेच शाळेचे शिक्षक श्री.सैदाणे ज्ञानेश्वर व नंदू दिघे सर यांनी सर्व उपस्थित महिलांचे आभार मानले.
