कोपरगाव प्रतिनिधी
समृद्धी महामार्गाच्या कामाच्या वेळी टाकलेल्या भराव्या खाली गिरमे वस्ती प्राथमिक शाळेला पाणीपुरवठा करणारी पाईपलाईन दाबल्या गेल्याने बऱ्याच कालावधी पासुन शाळकरी मुलांना पिण्यासाठी पाणी मिळत नव्हते त्या अनुषंगाने जेऊर कुंभारी ग्रामपंचायत तसेच ग्रामस्थ यांनी वेळोवेळी समृद्धी महामार्गाच्या अधिकाऱ्यांना निवेदने देऊन व तोंडी कल्पनाही देऊन ही पाईपलाईन ची दुरुस्ती होत नव्हती अधिकाऱ्यांनी गोष्टीकडे सोयीस्कर कानाडोळा केला होता ऐकत नव्हते म्हणून जेऊर कुंभारी येथील कॉन्ट्रॅक्टदार
सिद्धेश दौंड यांनी ही गोष्ट खासदार सदाशिव लोखंडे यांच्या कानावर घातली व लोखंडे यांनी दूरध्वनी वरून शाळेला पाणीपुरवठा करणारी पाईपलाईन तातडीने दुरुस्त करून द्या असे सांगतात राज कंट्रक्शन कंपनी खडबडून जागी झाली व तात्काळ दिनांक ३ मार्च रोजी पाईपलाईन दुरुस्तीच्या कामासाठी ५० पाईप देण्यात आली व पाईप लाईन दुरुस्तीचे काम लगेच सुरू करण्याचे अधिकाऱ्यांकडून जाहीर करण्यात आले या पार्श्वभूमीवर जेऊर कुंभारी गावच्या सरपंच सुवर्णा पवार उपसरपंच ताराचंद लकारे, माजी उपसरपंच यशवंत आव्हाड,प्रदीप गायकवाड, संजय वक्ते, शरद थोरात
सतिष पवार, संतोष बोरावके यांनी पाहणी करून हे काम युद्धपातळीवर समाप्त करावे अशी विनंती राज कंट्रक्शनच्या अधिकाऱ्यांना केली.
